عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات انا عجبني هذا الرجيم وحابه اسويه من يوم السبت بس لانو فيه توست اخاف يثبت وزني او يتخني فاللي جربته او سوت رجيم قريب منو تخبرني كيف النتيجه كانت ::::::
الكلام لصاحبه الموضوع :
جايبه لكم ريجيم انماااااا اييييه يجننننننننن
والله هالرجيم جربته من سنه تقريبا لمدة 10 اياااام وماصدقت الي صارلي طبعا هالرجيم مدري وين قررريته او من وين اقتبسته او يمكن اخترعته لحد يسألني <<< الذاكره عندها مييييييح
ضعفت على هالرجيم 9 كيلو ونص وانا ميته من الفرحه شي عجييييب وخاصة ان فيه خبز وعصير ومشتقات الحليب لانه يعتبر اكلي الطبيعي الي متعودين عليه بالبيت وماحسيت بأي فرررق بالاكل الا انني امتنعت عن الحلويات والكبسات خخخخخ
والحين عندي مناسبه ورجعت اسووووووويه وتوني باديه فيه خسيت بأربعة ايام خمسه كيلووو الا شوووي
الرجيم :
قبل الفطور : 2 كأس ماي فاتر على الريق وبعد نص ساعه تفطرين
الفطور : كأس عصير برتقال بدون سكر + 2 توست اسمر + ملعقة كبيره لبنه أو زبادي بكيفك
الغداء : نفس الفطور
العشاء : نفس الشي
واذا كنتي من محبين الشاهي اشررربي باليوم كوب شاهي بحليب طازج وطبعا قللي السكر “لاتستخدمين السكر الداايت ابدا” استخدمي السكر العادي بس بأقل كميه ممكنه …السكر الدايت سرطانات وامراض اعوذ بالله
الصرااااحه يابنات هالرجيم يجنن وش مااقول فيه مااوفيته حقه بس عندي ملاحظات بسيطه :
الخبز مايكون الاسمر العادي فيه خبز لونه بني غامق مو قمحي وفيه حثاله لا الثاااني البني والشريحه تكون كبيره هذا هو الي يضعف لان الجسم يستفيد منه كله بالاحتياجات اليوميه.
مسموح بكأسة حليب او لبن باليوم بالفطور او الغدا بدل عصير البرتقال
لازم تسوين رياضه باليوم لو 10 دقايق او ربع ساعه ……اول يومين راح تكوني تعبانه شوي لان جسمك ماتعود بس بعدها ماكانه صاير شي
الريجيم رووعه للي اوزانهم فوق 100 والي مصابين بامراض بعيد الشر عنكم خاصة لمرضى السكري …..رائع
بعد عشرة ايام خذي استراحه يوم اذا تبين تعيدينه….والله ينحفنا بصحة وسلااااامه
