ميني كنافه من يديني ^.^

من زمان على هالقسم اللي امووت فيه وسويت اليوم كنافه قلت انزلكم الطريقة 😳

المقادير/

عجينه الكنافه وفي رواية ((شعر الكنافه)) 👿

اصبع زبدة

والحشو /

كاسه مويا فاتره

5ملاعق حليب بودره

2ملاعق نشأ

قشطه قيمر الصغيره

الطريقه/

نجيب صينيه الكب كيك الوسط طبعا ، ونقطع الكنافه فيها لاتفتتينها عشان تصير متماسكه اذا طلعتيهاا وتحاولين تسوي عمق بالنص للحشوه ونذوب الزبده ونحط ملعقه كبيره زبده بكل قطعه

بعدين نسوي الحشوه ناخذ قدر ونحط فيه المويا البارده والحليب والنشأ ونحركها مع بعض بالمضرب اليدوي وعالنار مع التحريك المستمر لين يبدا يغلي تقفلين النار وتحطين قشطه القيمر وترجعين تحركينها مع بعض وتتركينها تبرد لمده عشر دقايق

وبعدين نوزعها ع الكنافه ونحرص انو م يجي عالاطراف عشان م يحترق ويخرب شكلها وطعمها

بعدين نرجع نغطيها بطبقه اقل من الاولى من عجينه الكنافه ونزيد ملعقه زبده على كل قطعه

ندخلها الفرن لين م تحمر ونطلعها وع طول نشيلها من الصينيه وهي مقلوبه شكلها افضل ➡
ونحطها بصحن التقديم ونحليها بالشيره