ميزات لا يتحلا بها الا المرأه السعوديه..

يانااااس مدري ليش هم كذا بس يبون العنا والشقا لنفسهم
ولا بعد مب على كذا وبس ذاك اليوم وانا جالسه مع اختي ولاها ترتب ملابسهم بلاها بتجي عندنا
(النشبه كنت نايمه عندها ذاك اليوم) ذكرت ايام المبزره اذا رحنا لم خوالي واذا رجعنا لبيتناجوا بنات خالي عندنا…
المهم..وهي ترتب وتسولف معي عن مبزرتها ولبسهم ونحن في لحظه صمت
الله يقلعها قطعت صمتنا وروعتني هم قالت
يوووووووووووه
بشراهه قلت وشو!!!
قالت:ريانه..بتوصخ ملابسها ومالي خلق اغير لها
<<ريانه هذي بسم الله عليها ماتخلي شيييييي بلللللللشه وحركه تملين وانتي تلاحقين وراها
قلت:طيب وبس ترا مابعد رحتي توك ولا فيه مطر ولا شي يعني بالله ليييه ليش اتنم كذا بس تدورون الشقى لانفسكم…
أه منهم والله ماقدشفت احد يدور لنفسها النكد والشقى الا انتم اف منهم ليه ليه يا امهاتنا
ليه ياحريمنا ليش كذا يعني مدري هي فيها اجر عشان تنكدون علينا
وعلى انفسكم والاوش السالفه؟؟؟
الحين اذا بغيتوا تروحون للبربالشتا لاحظوا اهلكم وش يسوون..
تلقون حتى الي ماعندها بزران بتقول لااااا حراام بررررررد عالبزران عاد يطيحون علينا مصاخين
طيييب خلاص نروح للااستراحه..
نفس الشي لا بيشوفون المسبح وبيبلشونا عنده نبي نسبح نبي نسبح بعدين وش بيفكنا منهم
ياناس الا الحن الي وش بيفكنا منكم ومن نكدكم وتنكيدكم
طييييب اوكي بنجتمع عند فلانه
نشوف وش بيقولون…
فلانه هذي عندها بنت باول ابتدائي والثانيه عمرها سنه
اول من بيعارض اكيييد خواتها بلاهم ملوا من بيتها بعدين مدري من عاد شوفوا من اقرب وحده لها
نسمع وش يقولون والاتفاقيه تاصل إلى
طيييب نروح لها لكن ماتزين العشا مسكينه اكيييد ما يمديها وبيبهذلونها بزارينها
كلن يجيب عشاه معه والاالباقي يجيب القهوه<<بس بقوا لها هالمسيكينه المواعين
طبعا الي عنده بزارين هم الي يجيبون القهوه =عاذرينهم معهم بزارين ولا يقدرون يزينون شي ع راحتهم<<والله اني مجربه هماي مربيه لبزارين خواتي صرت ام قبل لا اتزوج..أهئ أهئ
هذي عند الزيارات عاد ناهيك عن روحه السوق
اذ بغيتوا تطلعون ذاك اليوم شوفي وش بتقول
1تتشكى انه ماعندها ملابس وان كل الي عندها قديمه والا ما اعجبها
بعدين عاد خليها تبلشك وتقول تعالي معي للسوق.. اوكي رحتي معها وكل ما عرظتي عليها شي
تقول:امممم ماعليها بس ماتعجب رجلي
ادري بيقول مب زينه غيريها<<طييب انتي جربي اشتريها وشوفي بعدين تراك بتلبسينها عند حرييم لا تلبسينها عنده<<تراها ماعليها قاويه رجلها بس شوي
لا ويجي القهر صح اذا جا بعد 3 ايام تقولك شفتي ذيك البلوزه؟؟
انتي:اياهم
تقول هذيييك الي في محل كذا وكذا الي قلتي خوذيها بس كنت متردده عندها
عاد توصفها لك المهم انتي الحين عرفتيها تقول وخشتها منشقه من الفرح
يوم رحت انا وفلان نبدل ذيك البلوزه ووريتها اياه بس كذا بعدين..
قال:وش زينها اقول بس خوذيها والله انها احسن من ذيك بالف مرره وووو…
بالمختصر انها اعجبته وهي تخااف بس تخاف ماتعجبه<<افففف والله نكد في نكد
لا بعد مانكدت ع نفسها وبس نكدت علينا الحن ياخواتها 😥
طييب شي ثاني..
اذا عرظتي عليها بلوزه ثانيه ومن راي رجلها بعد<<والله اني صرت اعرف ر أي رجل اختي
من كثر روحاتي معها<<ترا كل الي تو من معاناتي انا واختي
المهم اخترتي لها شي يعجب رجلها واعجبتها بعد هي
مستانسه جبتي شي من ذوقها وذوق رجلها وحلوه بعد
ماتدرين الا وترد ولا بعد لها وجه ترد عليك هالرد: بعد صمت وتأمل بتقول
والله انها وش زينها وكشخه بعد بس عندي وحده تشبه لها ما ابطيت شاريتها
<<هذي الي تقول ملابسي قديمه وماعندي شي
اآآآآآآآآآآآآآآآخ يالقهرررر والله نصااابه طيييب!!!:)
ايييييييييييييه وصح صح صح لالالا مو بس كذا مير قبل لا انسى
اكره ما اشوف من انواع التعزير… ايضا بالسووووق
&&ترا الي بيروح مع اختي لازم ياخذ معه مخده ومفرش تدرون لييش..
لانه الزامي ينام بالسوووق&&
اذا جا تاريخ 10/رمضان حتى تاريخ 29
شوفوا اختي بالسووق اكيد بتلقونها من الصبح الى 1اليل
تطلع للسووق وتدوج وتدوج وتمتر السوق كأنه مهندسه معماريه بتبني سوق بالمريخ او مدري عنها!!
المهم اول ما تدخل ذاك المحل ما تلقى شي,بعدين تدخل الي جمبه وتلقى ذيك التنوره
الي وش زينها ويااا كشخها والله بس اصبري يمكن نشوف وحده احسن منها
ويا لله عاد دوجوا دوروا بهالسوق على وحده احسن بعدين تختار ثلاث
بس ما تدري اياهم احسن ولا تشتري الا قبل العيد بيومين او ثلا
وبس واذا رجعت للبيت تقول:ياااااااربيه والله تعبت
<<محد حلف عليك قال مدوجي ولا تشترين الا لين تطيح رجولك..
ولا عااااد ابو القهررر اذا رحتوا لم هذيك التنوره الي هي احسن وحده منهن تخيلي معي..
دخلتي المحل مع اختك هذيك الي تدور الشقا لنفسها
ودورتوا ذييك البلوزه الي تبيها ولا لقيتوها بعدين سألتوا السكرتي عشان يجيبها بعدين يا خبر ازرق!!!
السوري:والله مش موجوده!!! ❗ 😉 😆 hy:<<من زود العصبيه حطيت ثلاثه,,,
وعاد انتي ما تدرين وين بتودين اختك يعني بس تحمد ربها انها ما معك سكين
والا كان رحتي للمحاكم عاد يطالبك رجها بالديه
بس ترا يمديك بالطرحه..والا اذا تبين طريقه ما احد يطالبك بالديه بس عكرفي لها اذا بغيتوا تطلعون من المحل..
او عالاقل اذا رحتي معها المره الجايه وشاورتك على بلوزه قولي وااااو رووووووعه ولو انها مش ولا بد
واذا رحتوا للمحل الي بعده قولي لاعاد تصدقين ترا هذي احسسسن واذا رجعتوا للي قبل قولي لالا حسيت ان ذي احسن وكل مارحتوا لم محل امدحي الي انتي فيه ولو هي ما هيب صدز 😥
والا طريق تبردين حرتك فيه اختاري لها شي يحووووووم التسبد واختري لها ملابس جيازنه عساها تفهمها وتنطم او عالاقل ما عاد يعجبها ذوقك ولا عاد تعنطز عليك وتميصل
وتتمصلح عشان تروحين معها للسوق.. ❗
والا اذا بغيتوا تشوفون النكد صدز شوفوه اذا بغيتوا تسافرون
شوفي امك الي تجهز شنطتها..وشنطة رجلها..
ولا بعد ما تكتفي على تدليع رجلها وتجهز شنطته تقوم الام الكريمه
وترتب شنط عيالها وتلقون الواحد شايب زمانه عمره 15 و20 سنه
والي يقهر صدز انها ماترتب شنطتس لا لازم تعودتس على الشقى
<<تتبع قاعده من شابة امها فلا ظلمت
ولا بعد ذا ناهيك عن العزبه الي يمكن يمكن نحتاج البيالاات الي تستخدمونها للبيت
والا الفناجيل ياسبحان الله مايتكرمون على انفسهم يشترون اكواب بلاستك ولا بعد حتى لو شروها تخليها.. ويشربون الشاهي بالبيالاات الي جابتها معها
(تدرون ليييه..عشان تغسلها وتنهرك نهر يضجر المكان..وجع ونقر قومي غسليها ما شفت اعجز منتس)
واما اذا جيتوا ترجعون للشقه وقلتي لا بوك يا بابا العزيز نبي نتعشى اليوم بالطازج والا باي مطعم كان
نغزتس امتس الحن نزينه بالشقه<<ياي ما ادري ليش بس تبي تنكد على نفسها بالرحله الي تهببببل ماشا الله علينا نروح ونطبخ كلل يوووم بالشقه حشا ماصارت رحله ترفيهيه
معليش يوم يومين بالاسبوع<< عاد الي يسمعني يقول كل الصيفيه يقظونها بنيوزلندا والا بلندن
تراها كلها اسبوع او اسبوع ونص واااااااو بعد نحسه طاالت بهالنص…
لا والله عاد اتكلم من جد صح موب كل السفريه ناكل من الطاعم لكن موب والحن تونا جايين من البحر والله مثلا طالعين من الفجر ولا رجعنا الا العشا عاد والحن اااكلنا التعب وامك بالذات همين …
لاعادي نزين عشانا بالشقه وش فيها
يعني الحين آآكلك وشاربك التعب ولا بعد متعشي فيها المهم وهي الي تزين العشا واذا قلتي شي
قالت: انطمي انا منيب فاضيتن لتس انا تعبانه من فجر الله قايمه
وادهر واطبخ لكم وهذا الي انتم فاظينن له!!
عندها ما تقدرين ترفعين راسك بس الي ودك تقولينه..
ايه والله محد حلف عليك وقالك قولي لا عادي نزينه بالبيت
يومي اقول لا ابوي نبي نتعشى بالمطعم اليوم الحن تعبانين!!!
كل هذا يطلع بس عند المرأه السعوديه حتى وهي مسااافره

طيب فيه ظاهره بعد تقهر بحريمنا الموقراات..
الا وهي التصريف..
اذا كنتي ذاك اليوم طفشانه ودقيتي على اختك بتقولين لها وش رايك نطلع للسوق..
اسمعي الرد الحلو
اما..اوكي والله فكره حللللللوه خلاص بس بقول لفلان وبنمرك<<وهذا من النادر
لكن شوفي اذا كانت تفكر بشي ثاني فانها بتقول
مدري والله عن ابو العيال يمكن يعيي باقول له واشوف
<<المشكله العضمى اذا صارت لاويه اذنه
هنا توضح الفقشه القويه
هم ما تكمل دقيقه الا وتدق(هذا اذا قلتي ترا ماعندي رصيد بسرعه ردي)
وتقول والله عيا يقول ما ابطيتي طالعه<<عاش مصرف
لا عاد اذا كانوا ذاك اليوم معزومات خالاتس عنده وحده من حريم الخوال زيين!!
عاد اتفقتوا يالبنات انكم تجتمعون عند وحده من البنات وتجي ذي الي طاااااايره وفرحااانه انه بيجتمعون البنات عند وحده منكم وصارت عندتس
ودقت امتس بتسألها متى تروح بعدين تقترح على خالتس الي ماتواطنت
او ماتثق فيتس وتقولها عن الي تبون عاد شوفي رد هالخاله النصاابه ام التصريف الفاشل
تقول: لا والله انا بناتي عندهن اختبارات ولا نيب مطلعتهن(هذا يوم الاربعا) ➡ 😳
ترد امتس:هو!! عاد قدامهم اربعا وخميس وجمعه وش بيظرهن؟؟؟
ماعندها رد الا ان المواد صعببه تسنه مايدرس الا بناتها الحمد لله عالنعمه بس
وتكتشفون ان بناتها اما انهم تعشوا بماك او كانوا طالعين للسوق(خخخخخخخخ
والفاجعه المظحك ان الي قالت لتس هي بنت خالتس هالي عندها اختبار صعب
<<وين وجه ذالخاله يوم درت على ان تصريفتها باتت بالفشل!!
التصريفه الي تبط التسبد صدز

ايه صاح!!
ابو العيااااااااااااااااااااااااااااال
عاد وما ادرام كا ابو العيال!!!
يومها تجيكم هالمره الي مسيكينه رجلها كارفن ابوها..ولا تقدر تحك راسها من الشغل
اذا صارت رايحه لأهلها ذاك اليوم وقبل لا تظرب الساعه 11 تقمز كما الغزال الي منحاش يلعب مع خويه حبشه..تسلم عليكم وهي تقل ملحوقه..بتطلع ويالله يالله اخوكم عند البابا يامال النقر بسررررعه طلعنا..<<<يممممه انتي هنا تطير بوهتس<<هذا اذا نادر تشوفينها..
اكمل…
علما انكم كنتوا باجازة الصيف او نص السنه الي هو..
بس اهم شي انكم معطلين والناس مجتمعه..
تسألها يامرة اخوها والا عمة عيالها عاد على حسب الي هم عنده
لي سألوها وش معجلتس يا ام فلان؟؟
تقول والله رجلي بيجي الحين ولازم ازين له عشا…
<<انا هنا صراحه تخنقني العبره احس اني اررررحمهم…
يعني ليييه يجهل انكم اليوم مجتمعين؟؟؟
لا والله الرجال يدري ولو بغى قدر يسخن له الغدا والا مرقة عشا امس بس هي عودته
انه لااااازم ما يزين عشاه الا هي<<والمصيييبه انها اذا جلست عند الحريم..
شوفيها ودك تروحين للمحكمه عشان يطلقها رجلها….
الله يهديه ابو فلان والله ما ادري وش طاعونه!!
هالحين لو يحي والعشا ماجهز تسان يزعل وينام وهو ماتعش
ى<<جعله للجوع..ويزعل ويش***كلام مايصلح اقوله
والغريب انه كان عاااادي فري لو مايجون الا الفجر عاتي بس عشانهم بالبدايه
قالوا له نبيك كل يوم تعشى معنا<<يااالله لاتبلانا بعضيييم استغفر الله..استغفر الله..استغفر الله..

طيب شي ثاني لأبو العيال..
اذا والله قام ذاك اليوم مشتهي يزين لنفسه شاهي تقوم الام تنغز بنتها
وتغمز وتلمز ووجهها مايحتاااج تقل شابتن فيه ضو
تقوم بنتها بالغصب حتى لوها تعبانه عشان مايسوي لنفسه شاهي!!!
<<طيب شي ببلاش ربحه بين؟؟؟
وعاااااد بقى بالمرأه السعوديه ميزه ولا في الخيااال…
تجيك هذيك الخاله الي يابعد تسبد بنات اختها…مالها شهرين ولاده
واليوم والله بتزور صديقتها من يومه بالنفاس ماشافتها عاد يقالك بتسير عليها
ماتدرين الا قبل العصر بشوي وهي داقه عليكم تقول ياتاعلوا خوذوا بنتي
والا تراي باجيبها عندكم<<ترا تتعدد طرق الجيبه اما قبل لاتروح تنزلها
او وهي تتجهز تروحها مع ابوها بخلاقين البيت ويمكن بعد مب نظيفه….
والمشكله ماتراعي ظروف بنيات مسيكيناااات عندهم امتحانات..
يعني بالله يجهلكم اننا مانسقك بليا بنتكم هالي كل يوم والثاني جادعينها عندنا
وماشا الله كل يوم علثه..اما بتنظف البيت كلللله وما تبي ازعاج..
والا عند ابوهم عزيمه وتبي تشتغل على راحتها..والا بتروح للسوق بتجيب مقاضي البيت..
والا والله امس جاي عج وقالت بانظف البيت واخاف اذا كنسته تنكتم بنتي عاد المسكييينه فيها ربو.
او على ااقل تقول ابي اتريح منها شوي!!!
والله ماندري تريحين والا قضاء ليله رومنسيه؟؟؟

عاد الى هنا قدرت اسجل لكم بعض معاناتنا نحن الفتيات الواتي وقعن ضحية…….
وجعل علينا الحمل الثقيل الا وهو النكد من قبل نسوانا السعوديات