موووضوعي غريب …… اشوف نفسي شييييينه !!!

في العادة وخاصة البنات حتى الشينه تقول عن نفسها انها مزيونه صح:P

انا فيني شي غريب

اشوف نفسي شينه وقبيحه طبعا اقصد بالشكل

وحتى دائما اعلق على نفسي واضحك على شكلي قدام خواتي والناس

بس الشي الغريب اني من صغري اللي يشوفني يتهبل علي 😆 🙂 مدري الناس عميه ولا ماعندها ذوق ولا ماتشوف

وربي اشوف نفسي عاديه جدا او شينه

بس مدري ليه الناس تشوفني حلوة واحلا وحده في خواتي ومن صغري اي احد غريب يشوفني يقول ماشاء الله انتي حلوه كثير

ودي اقتنع في كلامهم واصدق نفسي بس مو قادره

لما كبرت صرت انعزالية اكثر وماعاد احتك في الناس ومرة رحت لطبيبة تقرب لوحده من صديقاتي من شافتني الطبيبة راحت تقول لصديقتي عني اني جميله وحلوه تقول ماعاد سكتت الطبيبة طول النهار تتكلم عني !! استغربت بصراحه

في المدرسة كنت الاحظ في بنات يناظروني باعجاب بس شخصيتي راكزه وما احب حركات الاعجاب والخرابيط فكانوا مايتجرأون يكلموني بس يطالعوني من بعيد وانا اقول في خاطري ماعندكم سالفه

وفيه ناس من قرايبي كانوا مشبهيني على وحده يقولون انتي نسخه منها ولما شفتها صار وجهي كذا 😐 تدرون اش قلت لهم ؟ قلت حرام عليكم ظلمتوا البنت لما شبهتوني فيها

طلعت البنت قطعه مووووووووووووت ملكة جمال سبحان من خلقها ورسمها بس صدق ما اشوف نفسي اشبهها ابد ابد

مدري انا وش فيني ليه اكره نفسي وما احب شكلي واشوف نفسي بشعه وشينه فيه احد نفسي ؟؟ احس ان نظرتي لشكلي مخليتني فاقدة الثقه بنفسي ومأثرة علي

ودي اعرف كيف اتقبل شكلي واتقبل نفسي ما ابي اشوف نفسي حلوة على الاقل اشوف اني مو شينه

رغم اني لو اقول لكم مواصفاتي بتقولون شينه

انا قصيرة طولي 150 ووزني 50
شعري مو طويل كثير تقريبا لاخر ظهري
عيوني كبار وعسليات
خشمي عادي بس فيه مطبه:P

بشرتي بيضا بس احس اني صفرا

جسمي اشوفه وويع مو حلو مو جسم انثوي بس ناعم

اكثر شي اكرهه في نفسي هو جسمي احسه جسم طفله شفتو حنان ترك ؟؟ نفس جسمها تقريبا يعني عظامي صغيره ( هيكل جسمي صغير ) وهذا الشي اكرهه في نفسي ودي اكون عريضة وضخمه وطويله لانه جسمي مايعطي على عمري انا تقريبا 24 بس جسمي مخلي شكلي ام 13 سنه ههههههههه انا اشوف نفسي هالشكل واحس عدم تقبلي لجسمي بالذات مخليني فاقده الثقه بنفسي