موقف ماراح انساه مع ولد الجيران تكفون انتبهووو……

هلا والله بالاامهات العسولات

شخبار الحلوين الله يخليهم لكم

اوووووه يابنات اليوم صار لي موقف ماراح انساه وعساني اتعلم منه وحبييت احذركم

قبل كم يوم كنت ناويه اروح للمستوصف تخبرو ن هالاسنان حالتي حاله معها بهالمواعيد

المهم قومت بنتي وتوني بشيل ملابسها بلبسها

الا اسمع صوووووووووووووووووت زعاااااااااااااااااااق وحده تصارخ قلت غريبه من هذا صوته توقعت انه بنت خالي لانهم ساكنين فوقي قلت بروح اشوف الا الصوت يزيد تصارررررررررررررررخ جيت مسرعه عطيت بنتي ابوها قالت امسكها ورحت افتح الباب وطليت الا جيرانا الي فوق تنزل بسرعه وهي تبكي وتصرخ

ومعها ولدها شايلته ………….؟؟عمره تقريبا سنتين او ثلاث
طلعت انا قالت وش فيه نزلت من الدرج ورمت علي ولدها اناظر الولد الا مايتحرك وعيونه فوق ولايتنفس يااااااااااااااااربيه وش اسوي

قلت الولد مااااااااااااات ؟

وهي اربكتني صرت اهدي فيها واقول لاتخافين وانادي زوجي بسرررررررررررعه تعال والولد بين يدي شوي وبيغمى علي صرت ارتجف من الخوف

جاء زوجي ومعه بنتي قلت خلها بالارض وشال الولد واعطيه الولد يقول لي وش فيه ..؟وانا سااكته وهو ماعرف وش يسوي ماندري وش نبدي

وهو ماسكه قلت بجرب التنفس الصناعي وافك فمه وانفخ فيه حسيت انه يتنفس خفيف قلت لزوجي بسررررررررررررعه وده للمستشفى ….
طبعاهي جنسيتها بكستانيه قالت لي اعطيني طرحه واعطيها وبسرعه اجيب عبايتي 😆 وهي شافت عند البااب نعال وتلبسها وتطلع طلع زوجي وركب السياره انا حسبالي امه معه بس راحت لناس تعرفهم بس من الجهه الثانيه من البيت
وارجع اخذ بنتي الا خالي توه نازل يقول لي وش فيه واقول له السالفه واعطيه بنتي قلت امسكها شوي الابرجعه البكستانيه وترقى فوق ومااااغير تصارخ وتبكي والي فهمته منها بتشى يعني ولدي>>قالي فاهمه ههههههههههههه
وتجلس تدعي وتدوور بين الجدران وانا اهدي فيها اقول لها خلاص كويس بيبي الاجت صديقتها وتسكت فيها

طبعا هنا ماندري وش صار على الولد زوجي ناسي جواله وانا على قلوبنا ……………
رحت لخالي وقلت ودنا للمستشفى احسن عشان ترتاح امه ونعرف وش صار له قال طيب بس بلبس ثوبي واسبقوني عند السياره وارجع واقول لامه تعالي معنا وهي على ماهي عليه

جت معي صديقتها وركبنا الاجاء خالي ورحنا لاقرب مستوصف عندنا واشوى لقينا سيارات زوجي فيه وننزل وندخل المستوصف وندخل غرفه الاسعاف الا دكتورين وسبع ممرضات كلهم عليه وهو صنم مايتحرك ولاشي بس كنه احسن الحمدالله سوله انعاش وتدليك لجسمه كله وحرارته كانت مرتفعه وكل جسمه كمادات مويه باااارده واشوى الحمدالله صار احسن شالته الحرمه وحضنته ورجع مره ثانيه يتشنج قام الممرضات ينادون على الدكتوووووووووور جاء الدكتور وهو يسوون له تدليك بين رجلينه وكانو ماسكينه من تحت الا رجع يبكي
سالت الدكتور وش فيه قال لي انه متشنج قالي انتي امه قلت لا وااشر ت علي الي معي وجاء الدكتور هندي وجالس يتكلم معها

زوجي اعطاهم بطاقت الهويه وراح للبيت على جيتنا يبي يطمنا وعلى رجعته مالقاني وسال مرت خالي وقالت له الا امه تنزل وتسال عن ولدها وهو يهديها ويقول بيبي كويس مافيه شي

المهم جت معه ودخلت عليه وتحضنت ولدها وانواع الصياح كانت تكلمه وهو مايناظرها وهي ماتستحمل تبي يناظرها يلف وجهه ولاينزل عيونه وجلسو الممرضات يكلمونه ويلعبونه بالمفتاح عشان يركز وينتبه لهم وبعد محاولات الحمدالله تحسنت حالته بس قال الدكتور اهم شي تودونه لمستشفى كبير عشان يعرف من ايش ؟؟؟وعشان ماترجع له

المهم خذت الام ولدها وجابو له خالي وزوجي حليب ومويه وكروسان وعصيرات وجلسو ياكلونه الممرضات
والحمدالله تحسنت حالته بكثيررررررر
طبعا ابوه يشتغل طول اليوم وكان بعيد عن الحي ومادرا الامتاخر جلسو يوصفون له متى دل المكان جالسنا نتظره لين جاء واخذولده ماادري وداه للمستشفى ولا لا

جلسو يشكرونا
الحمدالله على سلامته المهم

نرجع للموضوع الاساسي وش منه تشنج وصار له كل هذا ؟؟؟؟؟

بسبب انها معطت شعره >>>شدت على شعره بقوه وكانت معصبه عليه وفجئه اغمي عليه وتشنج >>>كانت تقول لي يوم عطتني الولد

جد والله انا نتهاون بضرب اطفالنا بس ماراح يفيد انا عن نفسي تبت اضرب حتى باليدين يقولون خطر
والله ماتوقعت انه هذا السبب بعد ماقالت لي اصابي خووف

تكفون انتبهو لاتضربونهم لانه لو صار لهم شي وش راح تستفيدين
خليهم يسوووووووووووون الي يبون هذا حلات الدنيا بشقااوتهم >>>>>>ايه طيب هههههههه
الله يصلحهم بس صح انهم يرفعون الضغط بس تحمليهم انتي امها ولا ابوهم اذا ماتحملتيهم من راح يتحملهم ؟؟واحمدوربك على هالنعمه الي يتمناها الي ماجاب طفل
لو راحو بسبب غلطه منك ماراح تسامحين نفسك تكفون لاتتهونون اذا تحبينهم لاتضربينهم

وان بعد ياربي الله يهديني ويبعدني عن هالضرب منيب صاحيه هالايام بس ان شاء الله اني عقلت عقب هالموقف امي محذرتني ومتوعدتني ………..

ياما ناس ماتو ونشلو وفقدوعيونهم بسبب الضرب
يالله الحمدالله وقدر الله وماشاء فعل

والحمدالله خلصت القصه والله لايعيدهالمواقف

اخر شي اقول ياازين الجيررران والله لهم فايده >>>>>>>>>ياكثر بربرتك اخلصي

يالله تحملوني 👿

بطلع من هالموضوع وبدخل …………….
صدق قول المثل الجـــــــــــــــــــــار قبـــــــــــــــل الدار

والله توني اعرف فايده الجار بهالمواقف لواني بمكانها وش راح اسوي وانا ماعندي احد ولا اعرف احد وزوجي مو موجود الحاله صعبه يعني ماراح يفيدك الا جارك لو باي موقف

و الرسول صلى الله عليه وسلم موصينا بساابع جار وانامقصرين مانعرفهم
الله يهدينا بس

وبعدين تمنيت لو اني اعرف الاسعافات الاوليه الي دايم يعلمونا اياها بالتلفزيون ولا الكتب وانا يا ننسى ولامانركز والله مهمه لوقت الحاجه ………

وياليت الي يقراء موضوعي تخبرون الي يضربون عيالهم بهالقصه عشان يستفيدون اذا يخافون عليهم ..