عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
حبيباتي بقول لكم على موقف صار معي وأثر علي مررررررررررررره انا العام كنت بثالث ثانوي
وكنت ماشاء الله متفوقه ومره كرمتني المديره وكانت الهديه ساعه محطوطه في علبه
وفي كيس فضي المهم جلست انا وشلتي نفتح الهديه ونتريق ونضحك على الهديه
ونقول ايش هذا الذوق بصراحه ماعجبتني المهم رجعت البيت وجلست اسولف مع امي
واوريها الهديه واقول وع منها ماابغاها ورحت بنام قالت امي اعطيها شغالتنا قلت صح
طبعا شغالتنا كانت ذيك الفتره تدبش لبنتها مااضن ان عندهم دبش زينا ممكن اشياء
بسيطه بس كانت كانت تقول لامي مدام اذا رحتي السوق بروح معاك المهم رحت وعطيتها
الهديه وقلت خذي هذي هديه لبنتك والله ان الفرحه لاتسعها ماهي مصدقه طلعت الهديه
وجلست تناظر فيها ساعه وهي تضحك والفرحه لاتسعها وتشكرني وتدعي لي وقالت ماشاء
الله مره حلو وراحت وفكت الشنطه حقت اغراض بنتها وحطتها فيها وهي في غايه السعاده
حتى ظهر ذاك اليوم مانامت ترتب في الاغراض وتفتح الساعه مليون مره والله اني لم اتمالك
دمعي بكيت بحرقه لم اصدق الموقف لم اصدق مدى ساعدتها والله الدنيا دنيئه نحن نتقلب
في النعم ومايعجبنا العجب وهذولي الناس يفرحون بأبسط الاشياء تأثرت كثيرا بالموقف
والله يابنات ماتدرون قد ايش كانت سعادتها صراحه هذا الموقف من المواقف الي أثرت
بحياتي و علمتني أشياء كثير وعلى فكره شغالتنا هذي تفرح بأبسط الاشياء تخيلوا
يابنات غريبه عن وطنها اولادها ايتام وهي تسرف عليهم لاأهل لاأقارب لا أصحاب ومع
ذالك هي من أسعد الناس والله زمن الله لايحوجنا ويديم علينا النعمه حبيت انقل لكم
هالموقف اتمنى انه غير فيكم ولو شي بسيط للافضل تدرون ان النعمه اذا خرجت من
بيت لاتعود اليه وفي الختام احمدوا الله على نعمته وتمعنوا جيدا في هذه العباره وضعوها
شعاركم (انظر الى من هو دونك لتعلم انك فوق ألوف الناس )0000مع خالص ودي
عن yahia.sou
شاهد أيضاً
•·.·`¯°·.·• ( لا تصدقي عبارة أن الطيب لا يعيش في هذا الزمان) •·.·°¯`·.·•
..السلام عليكم ورحمه اللهـ ..كيفكم صبايا؟..ان شاء بصحه . و عآفيه.. / / / عيشي …