عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يااااسلااام من زمان مانزلت موضوع شكلكم نسيتوني 🙁
وبما انو دا القسم يجيب الاكتئاب قررت احط موضوع غير شكل 🙂 😆 🙂
بدي كل وحده تدخل تحط موقف او اتنين فاجئها فيه زوجها او حتى حركه ماتوقعت يساويها عجبتها او احرجتها
نبغا نفرفش القسم شوبه
لانو اللي يدخل دا القسم يحسب الرجال كلهم شريرين
وانا صراحه يحزنوني يبغالهم منتدى لوحدهم عشان يفضفضو فيه خخخخخخخخ تخيلو
المهم اناببدا
كنا ف السوق ليلة العيد عارفين الزحمه والناس زي الدود فاخترت شنطه عجبتني قام زوجي يقول للبياع اعطيني شنطه لاحسن زوجه ف العالم ياااربي احرااج والله كنت ابغا اشرد المصيبه لما جاب البياع الشنطه يقول لزوجي خد احلى شنطه لاحسن زوجه في العالم والحريم يطالعو فيا والله حسيت اذاني حاااره ودعست عالسياره ومااسمع الاضحك زوجي ربي لايحرمني منه ويخليلكم ازواجكم
وكمان يعجبني لما اكون معاه ولا نكون عند اهله او اهلي اذا قالولواجلس او تعال عندنا يقولهم شوفو وزارة الداخليه اللي هي انا هع
احراج بس حلو حتى اصحابو لما يدقو عليه يقولهم لساوزارة الداخليه ماادتني اجازه 😆 idea:
حشى روايه مو موقف
يللا لاشوف وحده تدخل وتخرج بدون ماتحط لنا موقف 😆 hy:
