موقف حصل لي .. لن أنساه ما حييت .. !!

السلام عليكم و رحمة الله و بركاته ..
صار لي اليوم حدث كبير و عظيم بالنسبة لي ..
ما نسيته و لا أظن لو أعيش مداداً من سنين سأنساه ..
..
اليوم ..
قرأت سورة البقرة كاملة .. بعد المغرب ..
الحمد لله رب العالمين .. هذا من فضل ربي ..
..
بس الحدث هنا ..
فضل هذه السورة كبير .. و عظيم ..
و القرآن الكريم كله خيـر ..
..
بعد ما قرأت السورة كاملة ..
طلب مني أبوي أسويله شاي ..
كان نفسه فيـه ..
قلت له: ابشر ..
رحت أسويله ..
كان في بالي بعض الآيات اللي قريتها ما أذكرها بالضبط ..
بس اللي أذكره .. ما كان ماخذ تفكيري غير القرآن الكريم ..
بعد ما غلت الموية .. و الله يوم شلته ما أحس بحرارته أبد ..
شلت برَّادي الشاي .. و صبيته في الترمس ..
امتلى .. وبقى في البرَّادي موية شوي .. طبعاً راح تكون حارة ..
بس و أنا أبي أنزله إلاَّ طاح من يدي فجأة ..
و انكبت نصف الموية ع الأرض و على رجولي ..
بس قسماً بالله يا خواتـي ما حسيت بحرارتها أبداً ..
ولا خفت و لا أصلاً انتبهت أو فز قلبي لو شوي ..
بالعكس .. كان إحساسي عااادي ما حسيت لا بحرارة ولا بخوف ..
و كأني محاطة بفضل هذه السورة .. بحماية كبيرة ..
و كل هذا من فضل ربي ..
هذا إحساسي .. حسيت بهالشي ..
بس مادري ليه كنت مرتاحة و ابتسمت من قلبي ..
مادري حسيت بشي غريب ..
فجأة كذا تذكرت وقلت في نفسي:
قبل شوي قريت سورة البقرة كاملة..
سبحان الله ..
كانت حصن لي بإذن الله رب العالمين ..
استانست و حسيت براحـة .. و شلت الصحن ..
وقدمته لأبوي ربي يسعده و يسعد الجميـع ..
و بقى هذا الموقف في بالي .. ما نسيته ولا راح أنساه ..
..
فعلاً ..
القرآن كله خيـر ..
قراءة القرآن و التحصين ..
تقي بفضل الله من كل شر..
سبحان رب العالمين .. سبحانه و تعالى ..
..
الله يحفظكم خواتي جميعاً من كل شر ..
و مثل ما أوصي نفسي .. و الجميع ..
أوصيكم يالغاليات .. بكتاب الله ..
و الله إنه الفلاح و الخير بإذن الله ..
يكفي إنه كتاب ربنا سبحانه ..
ما أعظمه من كتاب ..
أسأل الله أن لا يخرجنا من هذه الدنيا إلاَّ و هو راضٍ عنا ..
اللهم آآمـــين ..
..
أنا و إن ذكرت لكم هذا الموقف ..
ذكرته .. و استانست به .. لأنها تجربة شخصية ..
أثَّرت فيني ..
وفعلاً ..
التجارب الشخصية مفيدة جداً ..
و إن كنتوا يا خواتي ذا قدرة على الكلام بإنطلاقة و طلاقة ..
عن تجارب الغير .. و الأحداث اليومية ..
فإنك في تجاربك التي عشتيها أنتِ .. بنفسك ..
ستكوني أكثر صدقاً .. في النطق و الإحساس بها ..
..