موضوع طوويل بس راايق

*هل تعلم بـأن كل كلمة تنطقهـآ لها اثرها الفعلي على غيرك ؟!..

* هل تعلم بأن نفسيتك ” مهما كانت ” تنعكس على كل من حولك ؟!

*هل تعلم بأن تأثير شكواك حتى ولو كانت أحرفاً خطتها يدك في لحظة عتب او غضب
يبقى لكل من يمر ويقرأها حتى ولو بعد حين ؟!

*هل تعلم بأن النفسية الفردية قد تترأس وتقود نفسيات كل من حولهـآ ؟!..

* هل تعلم بأن تحكمك في مظهرك الخارجي له أثرهـ على كل عين تراك ؟..

* أيهما أقوى باعتقادك .. التأثير النفسي أو التأثير الخارجي ؟!

بعد اذنكم راح نتكلم بالعامية

دائماً نسمع : [اضحك للدنيا تضحك لك ]

.

.

مرة من المرات .. كنت أقرا موضوع عن مجموعة طرق لتحسين الشخصية وقيادتها للمسار الأفضل الذي ترضى به انفسنا ونطمح لـه

مثلاً .. شخص تعرفه .. حظه سيء .. دائماً يتشكى ويجعل حظه شماعـة لأخطائه ..

مع شكاويه المتكررة .. وشخصيته االلي يغلفها التشاؤم .. ماعنده ذرة طاقة ونيـة لتعديل الوضع .!

بالله ما تحسون بـ نفور من هالشخص ؟؟
ماتحسون ان قوة التنافر في مغناطيسه تفوقت على قوة الجذب ؟!..

بدآخلي قنـآعة .. ان أي كلمة من أي شخص .. ممكن تؤثر في اللي حوله كلهم

اعطيكم مثال وحاصل معانا هنا في [المننتديآت ]

.
.

كلنا تقريباً نضع تواقيع ونكتب اللي يعجبنا من الكلام والعبارات ..
أغلبها تفسر افكارنا وترسم ملامح مشاعرنا ..

لو شفنا عبارة حزن في توقيع أحد الاعضاء .. لحظتها نشعر بالألم مثله .!
كل مافينا يتأثر فعلياً بكل حرف مكتوب .!
ولكن بمستوى سلبي
وبكل مرة عيوننا تطيح على توقيعه نتذكر ألمـه ونتضايق لضيقته

ممكن بعضكم يقول : بالعكس هالشي حلو انه يذكرنا بتعبه عشان ندعي له .!

طيب ليـــش مانتذكر الدعاء في حال الفرح لما نقرأ كلام حلو وكله سعادة وأمل ..؟!

.
.

ولو كان العكس

ما فكرتوا بلحظة .. ان الـتأثير السلبي علينا ممكن يكون أقوى من الايجابي ؟!

سبحان الله احسها فطرة في الانسان .. لحظات الحزن تثبت في الذاكرة أكثر من لحظات الفرح .!
ممكن يكون هالشي لا إرادي لأن الحزن غلاّب .!

الحزن مثل العاصفة .. اذا هبت نبشت كل شي في طريقها وشالت الغبار عن المستور ووضح للعيان ..
وكل ذكرى حزن ممكن تمر في البال ونتذكرها .

احنا اللي نصنع الفرح بيدينا

.

.

(الطريقة الأولى )

.

لكن وش رايكم بالتأثير الشكلي على نفسيات اللي حولك ؟؟

” انتهى المشهد ”

* تعقيب :
لما تمدحين زميلتك بطريقتك ..
بتلاحظين ان الابتسامة انرسمت على شفاتك لا إرادياً .!
تأثير شكلها انعكاس ترتيبها وأناقتها ونظافتها عليك
غير مودك وخلاك تبتسمين وحسيتي بإنتعاش على الصبح

|

( المشهد الثـآني )

” انتهى المشهد ”

* تعقيب :

من أول وهلـه حواجبك بتنعقد .. وبيلف في راسك ألف سؤال وسؤال .!
هذي شفيها شايله الدنيا على راسها ؟ يالله وش صاير وقالب مزاجها ؟
لا يكون صاير لها شي مو كويس وإلا مضايقها أحد ؟!
حتى شكلها مالها خلق شي .. ياعمري مسكينة
ودي اسئلها بس خايفة أضايقها أكثر
خلاص براحتها بخليها متى مابغت تحكي تحكي .!!

وبتسكتين وهالاسئلة تلف تلف تلف في راسك لين تصدعين

وبالأخير تتكلم وتقول :
( اوف سهرت على فيلم لين الفجر وماحسيت بالوقت وما أمداني أنام ..
مااااااالي خلق أجي بس ما اقدر اغيب اخاف يوصلني حرمان ) ..!!!!
|

المشهد الثـآني .. مو يقهر نفسياً وشكلياً ومن جميع الجوانب ؟؟

يعني هي سهرت على فيلم وما نامت ..

بس النفسية التعبانة والشكل اللي موش ولا بد .. أنتِ تأثرت فيهم ..!

وش ذنبك تبدين صباحك بعفسه وما تروقين عشان سبب سخيف .!

وتضل زميلتك مخاويتك طول ساعات الدوام ..

وانتِ ملزومة تراعين جوها .. وجوك بيخرب معاها للأسف

كلنا بنات وفي عمر الزهور .. نحب نتجمل ونتزين ونلبس ونتأنق
[ ان الله جميل يحب الجمال]

والأهم .. النظافة النظافة النظافة .. حاجة فوق الوصف لدرجة انها صارت جزء من الإيمـآن
[ النظافة من الإيمان ] .

التأثير الشكلي والخارجي يأثر على نفسيتك وعلى نفسية من حولك .. والعكس صحيح 100 %

كل ما صارت نفسيتك أوكي ومبسوط
كل ما اهتميت وروقت بتنسيق ملابسك أكثر

وكل ماكنت معصب ومتضايق من شغله
تقدر بـ طريقتك تكسر مزاجك المتعكر

خذ لك شاور دافي يروقك
وبعدها افتح الدولاب ونقي لك لبس حلو

هالشي بيغير نفسيتك حبه حبه لين تتعدل وتصير مثل الوردة المفتحه والكل يبي يجلس جنبك عشان تنعشه
وتروقـه بمزاجك الرايق

[ لنكن جميعنـآ سحرة في ميدان التفاؤل والسعادة ]

.

اضحكوا وافرحوا وفرفشوا ترى الحياة حلووووة حيل

خلوا قناع الابتسامة دايم مرافقكم في كل تنقلاتكم

/

الله يديم عليكم السعادة والرآحة والهناء

ويفتح لكم أبواب رزقـه ويهنيكم في حياتكم

ويكون الطموح والتفاؤل هم توأم أرواحكم الطاهرة

\

أتمنى من كل قلبي إن فكرتي وصلت للجميع