عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الحمدلله اولا واخر على كل شي
السالفه ومافيها ياعسولات رحت لجارتي عزمتني عشان اتعرف على الجيران الجدد وندمت اني رحت بصراحه
كنا نسولف عن جارتنا اللي زوجت بنتها وتهاوش على بنتها البنت تبي تحمل وامها تهاوش عليها راتب زوجها بسيط جدا حدود2200ريال فقط تقول ايشلون لو جاهم عيال
المهم قالت واحده بكل سذاجه اقول عنها قالت والله ماحد بالدنيا مايبي عيال الا تكون الزوجه عقيمه او الزوج عقيم تخيلوا يابنات شعوري لحظتهاماعرفت ارد عليها ولا بكلمه مدري وش جاني
رغم ان لي الان داخله على السنه السابعه بس والله ماقول ماهتم بس ماتحسس وبعدين اذا تذكرت نعمه الصحه والعافيه احمد الله واقول الحمد لله احسن من غيري
بصراحه بسرعه طلبت عباتي لأني لو طولت ببكي قدامهم وطلعت شقتي وبكاء
وودي ارد عليها اذا تقابلنا برد محترم عشان تعرف اننا مو اقل منها عشان ماعندنا اطفال لاتقولون يمكن ماتدري لان صاحبه البيت اللي عزمتنا كانت هالجاره الجديده قريبه لها ولو ماتدري ليش هالرد اللي يقهر
