عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بعد الجزء الأول اللي نزلته ولقى استحسان البنات انا ماحب اطولها واقعد انتظر ردود زياده اهم شي ان البنات استفادو ومابي منكم غير الدعاء
القسم الثاني
الكحل واقلام رسم الحواجب
بنات انا زيكم كنت اعاني ان الكحل يسيح بس اكتشفت مع الوقت طريقة وضع الكحل هي اللي تخليه يثبت او يسيح والحمد لله تعلمت مع الوقت وماخليت عين الاا وارسم فيها الين تعلمت لاني أخذت دورة تجميل وللأسف اللي تدرسنا ماكانت حريصه أبدا لو رسمتي عين وحش تقول زين زين
وابي الفت انتبهاكم لشغله الكحل فن وذوق 😛 وكل شي بالحياة فن وذوق وانا أشوف الكحل بعيون بنات أحيانا واعوفه بصراحة الوحدة تكثر بطريقه بشعه صح الكحل زينة العين العربيه بس كل شي بتوزان ➡
وانبهه كل البنات اللي تكحل عينها وتطلع بالنقاب بدون غطا تذكري ان عين الله تراقبك وانك فتنه لرجال كم عين تناظر فيك وكم ذنب بتاخذي واللي طلعوا مكياج السوق أقولهم حسيبكم الله في بنات المسلمين وانتم محاسبين على كل بنت طلعت من عندكم متبرجه للرجال
وبسأل أي بنت طلعت للسوق بمكياج لمين تتزينين بالسوق؟
بعد هذي المقدمه اللي ماقدرت امر عليها واسكت
اشرح لكم الصور
نبدا من اليمين
اول واحد قلم حواجب ماركه عاديه جدا من أي محل تلاقيه بصراحه رائع
الثاني مكياجي وكمان رائع لون بني غامق وميزته شمعي يعني بسرعه يرسم لك
الثالث فو ايفر غالي على قل سنع مافي فرق بينه وبين أي ماركه ثانيه
واقولكم ترى قلم الكحل لو من ابو ريالين يادي غرض وهذا من تجربه بدليل النوع الاول بعشره ريال زيه زي فور ايفر
نجل للكحل
كحل مائي من شانيل رائع اسود وازرق وكلهم حلوين وتقدرين تتحكين الكحل يكون خط رفيع او ثقيل بالفرشه
الثاني سائل H.VIRGIN بصراحه رائع رائع رائع اسود فاحم بس وربي ناسيه من وين شريته بس اضن ماركه عاديه
الثالث كريمي فور ايفر حلو ويعطي العين نظره طبيعيه خصوصا اذا رسمتي من تحت بس .
نجي للكحل القلم والملون
الأول من اليمين مكياجي لون ازرق بحري مره حلو وللي عيونهم بني فاتح رائع رائع رائع يبين لون العين بطريقه رائعه مع مساكرا بني لايفوتكم
الثاني ماركه عاديه جدا قديم جدا ويستخدموه جداتنا والله العظيم يابنات مره حلو اضنه بخمس ريالات بس واحيانا اذا بغيت حاجبي اسود فاحم زي التاتو ارسم فيه.
الثالث مكياجي باللون الابيض رائع .
اللي عقبه ماكس فاكتور ازرق بحري بعد رائع وميزته بسرعه يمش يمعاك مو لازم تطلعين عينك عشان يطلع اللون .
اللي بعده اسود ماركة نيفيا عاجبني واسود فاحم وحلو ورائع بعد وسعره رخيص .
اللي بعده غني عن التعريف كحل سمايلنج اسود بس نيفيا أفضل بكثثير
اللي بعده ماركه رخيصه من أي محل تلاقيه
اللي بعده ديور غالي على قل سنع بصراحه بعد ماجربت نيفيا نسيته .
اللي بعده مكياجي اسود وحلو واحس انه يناسب البنات بالجامعه مايسيح اذا استخدمتيه جوا عينك
