مواقف مع صديقة عمري

اليوم جايبه لكم مواقف صارت لي انا وصديقتي بسمه
من دراااستنا طبعا مواقف كثيييييييره

حصلت ما انساااها
قلت احكيها لكم

نقيت لكم كم موقف اتمنى يعجبكم
ولا هي حيل واجده
بس ابي اللي يرد
يقول لي وين اكثر موقف جاز له

واعجبه

♥

♥

♥

§¤~¤§¤~¤§/الموقف الاول§¤~¤§¤~¤§

كنت انا وبسمه بأول متوسط
<تعرفون كانت بدايه مراااهقه>

فحسينا انا كبرنا ودخلنا مرحله جديده وصرنا نناظر ببنات الابتدائي بكبرياااء

نقول ويه وش هالمبزره ياااربي
اللي يسمعنا يقول داخلين جااامعه مو متوسطه ولا واول سنه بعد خخخخخخخخ
الموهيم

] ♥ بدايه الموقف ♥

بيوم من الايام صفرت الحصه الاخيره وطلعنا وحنا مستااانسين وفاااالينها عالاخر
< ما اذكر ليش> المهم انه كان مزاجنا عال العال
وطبعا كنا نرجع للبيت مشي لأن المدرسه كانت قريبه من البيت
فذاك اليوم كنت وانا امشي مع بسمه
فجاه وبدون سابق …….انذاااار

جاني بقس عالطاير بكل ما اعطى الله بسمه من قوه
انا تلقيت البقس وصار فوق راسي علامات تعجب واستفهام وبققت عيوني
وما امداني اسأل

ليش وش سوييييييييييييت ؟؟؟؟؟

الا لحقت البقس بعضه بيدي وانا اصرخ واقول

بسمه وجع فكيني وش سوييييييييييت لك ؟؟؟؟

واصاااارخ بعد ما دمعت عيوني فكتني
والشباب كانوا ميتين علي ضحك
اللي كانوا برا ذاك الوقت
وشدت شعري وحاااستني حوس وختمتها بالاخر برفسه خلتني اتفل العااافيه

واخر اخر شي قطت شنطتي بأخر الشارع وانا رحت اجيبها وانا اعرج
< امنا الغووووله حشاا مو صديقه ولا صديقه العمر بعد >
اكيد تقولون وش صاير لبسمه ووراها لعبت بحسبتي
كل هذا عشااانها شافت عيال الثاانويه طالعين وتبي تكشخ قدااامهم
وتوريهم انها صارت بالمتوسطه وصارت قويه وتتميلح عندهم
ههههههههههههههههه
وباعتني وباااعت العشره واخر شي قالت يلا مع السلامه اتصلي علي عالثابت زين استنااااكي ؟؟؟

انا ما قهرني الطق اللي اكلته كثر ما قهرتني جملتها الاخيره

اتصلي عالثاابت

< ياكبر شرهتها مكفختني وتبيني ادق >
هههههههههههههه

§¤~¤§¤~¤§الموقف الثاااني§¤~¤§¤~¤§

هذا الموقف صار لنا لما دخلنا الجامعه اول سنه وانا وهي نفس القسم
وعلى اخر السنه كان عندنا محاااظره مهمه
وجاايين الجامعه كله عشاانها
طبعا المبنى حق القسم حقنا كان دورين وقااعتنا كانت بالدور الثاني بس سااعات يدرسون فيها
بنات الاقسام الثانيه
حنا على الصبح بدت الدلاخه تاخذ مجراها
وانواع التنسيم يصدر منا
الموهيم
انا لخبطنا بالجدول وعلى بالنا علينا استاذه سحر

ملاحظه:سحر ذي استاااذه جديه حيل ومخليه البنات
يمشون عالصراط ويخافون البنات منها حيل

قالت بسمه خلينا ننتظر استاذه سحر تحت عشان لما تجي نشوفها ونطلع وراها
للقاعه عشان ما ننطرد قلت اوك وقعدنا
وحنا نسولف شافتها بسمه وقالت

يلا وراها وراها

لا تضيع منا بين البنات وننطرد
< بسمه كل شي تتقبله الا الطرد ما تحبه >
عشان كذا مهتمه
اللي يسمعها يقول بننطرد من الجنه
ما باقي الا تقول

حدوها… حدوها

< حشا ضب مو استاذه >
ههههههههههههههههههه
الموهيم
صرنا نركض وراها ومتحمسين دخلت القاعه ودخلنا وراها ويوم ضبطنا لنا مكان بالاخر
صرت انا وبسمه نناظر حولنا
الا وحنا بوسط بنات رابع جامعه وحنا اولى

نناظر حنا صغار وملامح البراءه فينا طبينا ببنات كبار واللي بطنها قدامها كيلو
وتتوجع
واللي مهمومه متخااانقه مع زوجها
واللي حيراانه ليه طولت ما حملت
هذي السوالف اللي نسمعها بهمس طبعا عشان الاستاذه ما تطردهم برا
يعني ملامح البؤس واضحه بوجيهم صرت انا وبسمه نناظر ببعض ونضحك
على غبائنا شلون طبينا هالطبه
وقلت لبسمه بالهمس مالنا الا نقضب ارضنا شلون نطلع وش نقول للاستاذه الغوله
خلينا قاعدين احسن
شوي اللي طقت كتفي بنت واعطتني ورقه صغيره
البنت كانت وراي اخذت الورقه وفتحتها
كان مكتوب فيها

انتبهوا نصيحه لله ترا هالاستاذه ماترحم لاتوزعون ابتسامات
لاتطردكم ترا ما عندها الا الطرد

قريتها وعطيتها بسمه
بسمه قرتها منا وانقلبت منا
< تعرفون البنت ضربت عالوترالحساس عند بسمه وهو الطرد >
نقطه ضعفها صارت تعطيني اشكل ولا تكلمني كله خايفه لاتنطرد
وانا سكت وسرحت وبسمه كمان سرحت
فجأه الا و الاستاذه سحر صرخت بأعلا صوتها

البت ياللي ئاعده ورا عماااله تستهبلي
دي محاظره ياماما مش سرك حظرتك
اطلعي بـــــــــــــــــــــــــــــــرا
مش عايزه اشوفك عندي

انا قلت بنفسي بس وقعنا ومحدش سما علينا اكيد تقصد يا
انا يا بسمه
شفت البنات اللي قدامي كلهم التفتوا ورا انا التفت ورا كمان
الا طلع هالصراااخ للبنت اللي كتبت لنا الورقه اللي تنصحنا
هههههههههههههههههههههههههههههههههههه
هههههههههههههههههههههههههههههههههههههههههههههههههه ههه
انا وابسمه متنا من الضحك ما قدرنا نمسك انفسنا عالموقف دمعت عيونا من كثر الضحك
المسيكينه تنصحنا من اليوم واخر شي انغسل شراعها على مستوا هههههههه
وطبعا اللي ساعدنا ان اللي قدامنا بنات متاااان
ومغطين علينا ما تشوفنا الاستاذه وحنا ميتين من الضحك
بس موقف ما انساااه من جد

§¤~¤§¤~¤§الموقف الثالث §¤~¤§¤~¤§

موقف بأيام الامتحااانات
طبعا ايام الامتحااانات انا وبسمه لنا طريقه خاااصه بالمذاكره ونخطط للغش وناخذ وقت فيه
اكثر من وقت المذاكره اصلا خخخخخخخخخ
نظامنا انا وهيه إنا نقسم الماده الى قسمين
قسم هيه تذاكره وقسم الثاني انا اذاكره ونجي يوم الامتحان نجلس ورا بعض
هي قدام وانا ورا عشان خطها واضح
طريقه نقل المعلومات: خخخخخ اني انا اهمس لها وامليها الاجابه
وهيه تروح على جنب شوي بجسمها وتخلي ورقتها قبالي على طول عشان انقل منها
ومره كان امتحان ماده الفيزياء قسمنا الماده كالعاده

] ولكـــــــــــــــــــن

حدث مالم يكن بالحسبان
وهو انا انا وهيه تخربطنا وذاكرنا انا وهيه نفس القسم
ونص الماده الثااني تركناه
ولما دخلنا القاااعه كالعاده بسمه قدام وانا ورا
وجت الاسئله متنوعه من كل القسميتن
وبديت اكتب اللي اعرفه وهيه كمان بدت تكتب الللي تعرفه
وطبعا المعلومات وحده
ويوم جينا نغش من بعض انا ناظرت بورقتها
انصدمت متعوده اشوف اللي حليته انا فاضي عندها وامليها اياه واللي مكتوب عندها فاضي عندي
لكن انصدمت انه

نــــــــــــــــفس الحل
اللي عندي عندها

وقمت اهمس لها واعلمها وعرفنا إنا تخربطنا بدى الخوف
وكل وحد تلوم الثااانيه
وبدينا نضحك على غبااااائنا هههههههههههههههههه
بس اللي يضحك اكثر ان الاسئله كانت سته حلينا من 1 الى3
ومن 4الى6 تركناه
الللي يشوف الورقه يقول خلص الحبر وش فيهم كانوا باادين تماااام
ههههههههههههههه
مادروا والله ههههههههههههههه
ولكن ما تبنا كررناها مرات واجد
الين وقعنا بنفس الخطأ مره ثااانيه وذاكرنا نفس القسم انا وياااها
ولكن بأختلاف بسيط اللي هو إنا حلينا الاسئله من 4الى6
وتركنا من1 الى 3
هههههههههههههههههههههههههههههه
هالموقف انا وبسمه متنا عليه ضحك
وبعدها تبنا قررنا نترك هالعاده وصرت بالاختبار اقعد اول القاااعه
وهي اخرها عشان تعرفون تعودنا ادمان صار فقررنا نبعد عن بعض بقاااعه الامتحان
قدر الامكااان
ههههههههههههههههههههههههههه

مواقفي مع بسمه ماتخلص لو احكيها كلها ما خلصت
اتمنى انها عجبتكم
ولا تحرموني من ردودكم