عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذي بعض المواقف للبنات ليلة الشوفة حبيت انقلها لكم حتى نغير بعض الاجواء
ــــــــــــــــــــــــــــــــــــــــــــــــــ ــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــ
تقول وحده : انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا
يالله وش أسوي ؟؟
جلست وأنا أقول لنفسي يالله وشلون بقوم ؟؟!!
وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..
وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع فشششششششششششششش على غرفتي قبل لا يشوفني أبوي ويأدبني ….
والثانية تقول : أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..
والثالثة تقول : يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله )
وقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))
والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم..
ــــــــــــــــــــــــــــــــــــــــــــــــــ ــــــــــ
وهذي مواقف للعرسان
مواقف عرسان منها المضحك والغريب والمحزن
حركه حلوه
عريس توووه ماخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط)
ما تحمل الرجال فيه عرق التفحيط شغال !!
قالت :لا ما يحتاج
( البنت موناقصه ترويع كافي عليها أنت !!! )
قال : إلا إلا شوفي هذي ………………….
ولا صحت إلا بالمستشفى
وقضوا أجمل شهر عسل على الاسره البيضاء
(خوووووووووش شهر)
وش تبين ؟
أيضا عريس خذ عروسته من القاعة
جو أهلها بيسوون لها موكب والعريس
رأسه وألف سيف محد يلحقهم
يابن الحلال مو عشانك عشان بنتنا !!
ولا فيه فايده
المهم أخذ زوجته وراح يتمشى فيها
(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام …….
( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
قال : يا عمري بسيطه
( والله لو منها استغل الموقف وما أوقفه إلا عند أغلى
مطعم حتى لو أكله شين)
المهم نزل الأخ يجيب لها ببسي
( وطبعا ترك السيارة شغاله عشان ماتفطس من الحر )
يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!
طبعا السيارة وأكيد البنت انسرقو
( فيه مجرم يتهيأ له سياره فخمه وبداخلها عروس كاشخه ويقول لا !!!!)
مو من هنا ؟؟
دخل العريس وحط يده على جبهة زوجته
ودعاء بالدعاء المعروف والمأثور
عن الرسول (ع) وبعدين صلى ركعتين والعروس تطالعه وهي
مستغربه وش يسوي هذا!!
لكن استحت تتكلم
ولما جت صلاة الفجر توضأ وصلى
يوم تكلمت
( راح الحياء وبدت الموانه)
قالت له : ترى القبله مو من هنا !!!!
( المسكين من العجلة نسى وين القبله !! )
أحفظ زين
عريس دخل على عروسته وحط يده على جبهتها
وبعدين سكت !!!!
ويفكر ويفكر ويحاول الأخ يتذكر الدعاء
يدورمن هنا وإلا هناك ولا لقاه
واخر شيء قال :
” الحمدلله الذي سخر لنا هذا وماكنا له مقرنين”
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )
جدول الضرب
عرسان يسولفون لليلة العرس
(داقين حنك )
ومافيه موضوع إلا وتكلمو عنه
(طبعا هذا أول يوم والسوالف الحلوة )
ووصلو لموضوع جدول الضرب
( أنا مدري وش اللي وصلهم له!!شكله مدرس رياضيات)
قالت العروسه : تصدق حتى الآن ما حفظته
( قولي آمين الله يفشلك)
قال : ولا يهمك وجاب ورقه وقلم وجلس يعلمها
( أنواع الروااااقه )
3 في5 = 15 قولي وراي ……………………..
خوش طقه
أخذ العريس عروسته واتجه إلى بيت أهله
( عشانه يسكن معهم)
لكن
فوجئ انه كل أبواب البيت الداخلية مقفلة
وجلس بالحديقة هو وزوجته
( أتخيلها متكيه بفستانها على النيل )
حاول الولد يدخل للبيت
باي شكل لكن مافيه فايده
ولا عنده تلفون عشان يكلم ولا يقدر
يروح ويترك زوجته لوحدها بالحديقة
ولا يقدر يروح لفندق لانه مامعه
أي إثباتات
ولا معه سياره أخوه وصلهم وراح لهذا اضطر
ينطق طقه
سنعه لحد الفجر لما رجعو أهله !!
.
.
أن شاء الله أستمتعتم بقراءتها
ميمي
