مواقف تفقع ضحك تعالي اقري ووسعي صدرك وشاركين بموقف لك ماتنسينة

يالله عاد جيبوا لكم فشار او صلحولكم اندومي ووسعوا صدركم على المواقف ولاتنسون البيبسي او حب وشاي براحتكم او كوفي وحلى >>>>اخلصي

اتصلوا علينا المطار قالوا ترى شغالتكم وصلت … وعلى شان نفتك من تفويض استلام رحت بنفسي أخذ الشغاله … المهم وصلت المطار وخذات الشغالة بطبيعة الحال معها شنطه فيها ملابسها … استلمت الشغاله وطلعنا للسيارة فتحت الشنطه على شان تحط شنطتها … تفاجأت …. أن الشغاله مدت رجلها بتركب في الشنطه قدام العالم … وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك … المهم في الاخير نزلت من الشنطه … بس بعد ما كل الموجودين جاهم مسيل الدمووع من الضحك

العدسة:

انتوا عارفين كيف مكياج العرايس يكون كثير وزجي مايحب المكياج الكثير
فطلب اني اغسل وجهي وروحت اغسل وجهي وانا اول مره اركب عدسات ونسيت عنها وكنت افرك عيوني بقوه فاتذكرت العدسات وانا ظر في المرايا وحده باقي مكانها والثانيه تخيلوا اختفت يعني ايش ماتطلع ايلا بعمليه رفعت جفني ايلي فوق ايلا لقيت طرفها سحبته من الخوف بكل شجاعه وانا كنت محتاره كيف بطلعها لوحدي الله ستر ولاكنت روحت فيها

أحراج عام:

في موقف حصل وأنا طالعة من الدوام والطالبات والموظفات والسائقين وأولياء الأمور بصراحة كأنه يوم الحشر من كثرهم وأنا لابسة
عبايتي وطالعة من الباب الرسمي للكلية وكان موجود كراتين كثيرة ولم أراها الله وكيلك ونطيت من فوقها قدام البشر طارت شنطتي وجزمتي وتمددت على الأرض وجزاها الله خير زميلتي قومتني وجابت أغراضي المبعثرة وأنا متفشلة من الناس الموجودين وأركب السيارة وهاتك بكي إلى وصلت البيت

بسرعة :

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول ( ضالين ) وانا على دخلتي كبرت وقلت آمين … الا واللي في الصف الاخير ماتوا من الضحك وقطعوا صلاتهم … وانا احسب الامام في الفاتحه وهو يقرا سورة ثانية … وسكت الامام شوي وكأن وده يضحك … واناما علي قاصر ضحكت معهم المضحك اني كنت متحمس

خطوبة:

والله ياخوي المواقف كثيره ومن كثرتها ناسيتها لكن اتذكر موقف حصل لاحد صديقاتي محرج مره وهاكم الموقف صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبع 00 المهم اللي حصل ان صديقتي واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب صديقتي هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الظغط والدفع مادريت صديقتي الا وهي مدفوعه من الباب الا وهي على رجول العريس طبعا موقف لا تحسد عليه الا والكل يضحك حتى ابوها والعريس يضحك ويقول والله جتك هديه في زبديه وكان لسه ما شافها ههههههههه موقف رهيب صح

العباية:

ايه تذكرـرـرتمرره كنت بالسوق انا و امي وخواتي اشترينا وخلصنا قاعدين نتطر ابوي متى يجي و اناا جيعانه ابموت من الجوع
قلت لامي امي ابي اروح اشتري عسكريم و اجي بسرررررررعه قالت يلا روحي بس لا طولين عشان ابوك بيجي الحين طبعا خواتي كلهم اشتروا الا انا قمت رحت عند كون زون
و زحمه قمت انا قلت لوسمحت واحد ايسكريم ما يسمع و ارفع صوتي المهم خفت الزحمه كانت بنت وراي معاها عربيه السوووق تبي ترجع العربيه لمكانها و قامت سحبت العربيه بأقوى قووووه وانا عباتي عالرااس ولابسه نقاب بدون طرحه و سحبت عبايتي معاها واااااااه الله ياخذها المشكله مفروووض انها تقول معليش اسفه ما كنت اقصد و ناظرت فيني وراحت المهم و كان فيه واحد جالس جنب المحل ههـ ـهه قاعد يظحك هو وجهه اعجبه الموقف وربي ودي يرجع ذااك و اروح اخلع اسنانه وه من جد احراااااااااج اتمنى يعجبك الموقف

العنقليزي:

هذآ اللـهـ يسلمتس كـآأإأآن عندنـآ أ.العنقلش << ومآأإ أدرآكـ مالعنقلش

الموهيم << صديقتيكـآأإن بتسألهـآ سؤآل عن الوآجب فقالت صديقتي من

الدفـآأإأآره الزآيده : أستـآأإأآذه هاذآ مـآأإأآفي يكتب ؟

ففطسنـآأإأآ ع‘ــليهآ وهي بعد والإستــآأإأآذه مـ ع‘ـنآ

النوم:

انا صار لي موقف ألعن من موقف
رايحن مع حمله لمكه الله يشرفها المهم وحنا بالباص جاني النوم ونمت على كتف الي جنبي ولا اعرفه ولا قمت الا عند الميقات الا كل كتفه سعابيل ويناظرني بحقد ونزل يلبس احرامه والظاهر انه غسل كفه بفلاش هذا اذا ماكان قطع كتفه

النظرة الشرعية:

يوم دخلت أشوف خطيبي ومعي صينيه العصير تفجأت فيهيصرخبقوه ( مشاء الله مشاء الله )>>>> شكلهُ موشايف خير او اول مره بيشوف بنتوقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهومازال يرددبصوت واطي (( مشاء الله مشاء الله ))ـ

العشاء :

وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف
وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها

النحشة:

كان لأحد أقاربي حينما كان يدرس في الإبتدائيه وأراد في أحد الأيام أن يهرب من المدرسه 00
فقز على سور المدرسه ثم نزل على تندة أحد السيارات00
ليتفاجئ بنزول شخص من السياره التي طب عليها وكان ذلك الشخص وكيل المدرسه كان جالس بالسياره يدخن وكان الوكيل معروف بالشده والقسوه 00
قريبي أرتاع وضاعت به الدنيا من الخوف فأتى إليه الوكيل وقال : وش اللي خلاك تهرب ؟؟؟

فرد قريبي ومن دون شعور قائلاً :

والله ياستاد أنه مهو أنا

فضحك الوكيل ولم يعاقبه0000
_______________________________________________
العجــــايز والســــوق (( 1 ))

هذي عجيز راحت للسوق ودخلت محل وأعجبتها قطعه وراحت للمحاسب >>> عاد هنا يبدا شغل المكاسر للحريم
قالت له بكم تعطيني اياها قال : بهالسعر (( وحدد لها سعر ))
قالت : لا لا ياولدي غاليه .. لازم تراعيني بالسعر انا دايم اجي لعندك و…..
تو بيتكلم الرجال يبي يقول : بس ياخــــ …
ألاّ قاطعته و قالت له : من غير لاتبسبس علينا ولاتقاطعني أنا كل ماجيت لعندكم أشتري وما اقصر بمحلكم
قال لها : بـس ياخاله حنا أمس كنا مسويين إفتتاح للمحل ..!!!
قالت هاه … قلتلي كم حسابك …؟!!! >>> وهقها ..

العجـــايز والســـوق (( 2 ))

عجيز ثانيه رايحه مع بنتها للسوق وبنتها عندها بنت كتكوته وحاطتها بالعربيه وتدفها ..
كان تجي العجيز وهي يادوووب تدف عمرها وتقول انا بأدف عنك وخري عني وتاخذ العربيه وتدفها ألين ما أوصلو عند السلم المتحرك
وتجلس تلف يمين ويسار وتحاول من هنا ومن هنا الين ماركبتها ومشى فيهم السلّم ويوم وصلو لنهاية السلم
كان تعلق العربه مدري وين فمسكينه العجوز وهي تبي تفك العربه ومن غير لامقدمات ولايحزنون كان تلف عبايتها مع السلم وهي تشد عبايتها
والسلم يشد هو الثاني
العجيز المسكينه طوول الوقت وهي تجاهد الين ما اوصلت رقبتها للأرض وهي تسحب وتسحب وبنتها مو عارفه شنو تسوي كان يجي رجال ويسحب العبايه
بقوه فلما قامت المسكينه من الارض وتناظر بشكلها كان تشوف العبايه صارت جاكيــــت كـلها تقطعت

فجات وامسكت بنتها من اذانيها وقالت لها ذا الحين تشترين لي عبايه جديده انتي فاهمه ؟؟ وبنتك دوري من يدفها غيري … >>> وانتي من قالك دفيها من البدايه .
.
الجدة:
ووحده تقول حنا مره رايحين لبيت عمي وعمي عنده عيال كبار المهم نزلت من السياره والقى في بوجهي
ولدعمي حب راسي ومسك يدي يدخلني جوا البيت وقالي وشلونك ياجده ؟ وانا علامات التعجب فوق راسي ههههه
وانا سويت روحي عجوز وتجي اخته وتقول وخر عنها هذي بنت عمك يا الغبي وانا وجهي صار الوان ههههه وهو انحرج مره ودخل جوا …….. هههههههههههه

الكواية:

في وحده شعرها دايم يحتاجله سشوار مهو بناعم المهم السشواراخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على باله تزوج وحده ماهي صاحيه

الشوكة والزيتونة:

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه مير تطير الزيتونه وتصقع وجه الجرسون وهو ياخذ الطلب اتقام قال عنا في لبنان ناكل الزيتون بايدناعاد مير ما اسكت وأنثبر قلت غريبه حنا عنا بالسعوديه نصيدها بالشوكه وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

البركة:

كانت في عزيمه كبيره وحنا يالبنات عاد بالعزايم معروفين نتكشخ على الاخير شوي ونقول للقمر قوم خلني اجلس مكانك >>> لا واثقه البنت

المهم وبعد العزيمه والحوسه هذي كلها وبعد ماراحوا الضيوف

قلنا حنا يالبنات يلا بس نشيل لنا سجاده ونجلس برا بالحوش الا انا وبنت خالتي قلنا بنروح نطب بالبركه مانبي نجلس معكم >> عندنا بركه بالحوش >> طيب مبروك

ووتحدوني البنات اني اطب بملابسي انا وبنت خالتي
ونجيكم ررررررررررركض طالعين من البيت ونعدي باب الحوش
بطمره بالهوا >> احلى يا فاندام
كملنا طبعا سباق بيني وبين بنت خالتي

ووصلنا للبركه واجيكم انا بذيك الشطحه الي فتحت بها رجلي تسنها فرجار وانط بالبركه

وبنت خالتي مير شطحت راسي ويوم طلعنا وخلصنا وقمنا نصارخ ولا نشوف البنات يشرون لنا من بعيد وانا وبنت خالتي نرقص حاله وونستهبل ونهز ولا نسمع ………..
صوت ولد خالي

:ادخلي داخل انتي وياها برد لا تمرضون

والتفت انا

يمكن حوالي خمسه او سته جالسين بالحوش وفارشين لهم فرشه

الزبده وجهي قام يعطي الوان

طبعا انا يمكن صار لي اسبوع مارحت بيت

جدي وبنت خالتي خبري بها بالبركه

وبس >> قصة حياتها
خخخخ

هذا اليوم لايمكن انساه

صديق اخوها:

فيه ولد متعود ينام بالمجلس أيام المدرسة .. علشان أحيانا يجيه اصدقاءه و يذاكرون سوى و لما يخلصون ينامون بالمجلس و يقومون الصباح مع بعض و يروحون للمدرسة ..

المهم ذاك اليوم كان الولد عنده صديقه .. و نايمين الآثنين في المجلس .. الولد قام بدري و ما خبر اهله بان صديقه نايم عندهم بالبيت علشان يصلحون لهم فطور .. فأيش عمل ؟؟ طلع برى البيت يجيب فطور من المطعم

هنا الوالدة قالت للبنت قومي صحي أخوك من النوم .. راحت البنت و حصلته نايم بالمجلس و متغطي بالشرشف ( طبعا هو مو اخوها .. صديق أخوها ) و تحاول تصحيه من النوم .. و تصارخ عليه .. و الولد ساكت ما يعرف ايش يسوي .. آخر شئ قامت تسحب الشرشف و الولد ماسكه .. يجره .. مستحي

فقامت البنت بسحب شعر ساقه .. هههههههه تعذيب علشان يقوم … آخر شئ قالت له ( قووم .. انا بارجع بعد اشوي .. ابي احصلك صاحي من النوم ) و لما راحت للمطبخ .. جاها اخوها و معه الفطور .. قالت له .. مسرع قمت و جبت الفطور .. قال أصلا أنا طالع من قبل نصف ساعة .. قالت له . أجل مو انت اللي قبل شوي كنت نايم بالمجلس !!!

و يقولون .. ان صديق الولد تزوجها بعد 8 شهور من هذا الكلام

الزبالة:

في وحده .عمرها 21 سنه. مثل عادتها كل 3 ايام ترمي الزبالة ( و أنتم بكرامة ) في البرميل .. خارج البيت .. بالليل

المهم ذاك اليوم كان فيه هواء قوي شوي .. طلعت و ما هي لابسة عباية لأن البرميل بجنب الباب .. مو بعيد .. المهم تسكر الباب من الهواء و ما قدرت تدق الجرس لأن خايفه من ابوها اذا فتح الباب يذبحها لأنها طلعت بالبيجاما بدون عبايه و بعد دقايق.. و إلا تسمع صوت باب جيرانهم ينفتح .. فانخشت في البرميل

هههههههههه

ولد الجيران حس بوجود شئ في البرميل .. رفع الكيس .. فشافها .. جاته ضحكة و عرف السالفة

يالله عاد كل وحدة تشاركنا موقف محرج صار معاها 👿