مواقف الولادات الطريفة والمضحكة

كيفكم خواتي كلكم عساكم بخير

حبيت اضيف هذا الموضوع كنوع من التغيير وعشان ننسى تعب الحمل شوي والتفكير بالولادة ، ويمكن الموضوع يكون مكرر او تكلمتو فيه من قبل ما ادري بصراحة.

ياريت كل وحدة فيكم مرت بحالة ولادة فيها شي من الطرافة او الضحك تقول لنا قصتها او اذا كانت سامعة بسالفة احد صديقاتها او خواتها تقول لنا عنهم ، مثلا: الي مالحقت توصل المستشفى وولدت بالمستشى (بعيد الشر عنكم) والي زوجها ما كان موجود وقت الولادة والي ماتدري عن حالها انها في حالة ولادة و و و و …. إلخ

انا عن نفسي راح اقول لكم عن ولادتي السابقة بالنسبة لي كان شي حلو ومن اسعد لحظات حياتي

انا الله يسلمكم ويحفظكم يارب كنت ماشية مسافة طويلة في الليلة السابقة من ولادتي وسهرت للصبح صليت ورحت انام الساعة خمس صحيت الساعة ست فجأة وكنت حاسة اني بحاجة اني اروح الحمام وانتو بكرامة بأسرع وقت (تعرفون بالاشهر الاخيرة كل شوي حمام) المهم تحركت شوي وحسيت بشي ينزل قلت معقولة سويتها بثيابي ههههه قمت من السرير ولااااااااااااا ما اشوف الا كأن حنفية ماء مفتوحة سائل حار ينزل مني صحيت زوجي على طول واشوى انه كان معاي بذاك اليوم وما عطل خبر على طوووووووووول اتصل على امي وقال لها تعالي الحين قلت له شفيك انت ليش تخوف امي انا مافيني شي ولا حاسة بألم ولا حاجة بس شوية ماء ينزل علي ، جات أمي ومعاها اختي الي اصغر مني قالت قومي بسرررررررعة المستشفى من غير مقدمات وانا ماكنت مستوعبة الوضع ابدا ورافضة اروح المستشفى بس خفت ان ينزل ماء الرحم ويصير بالجنين شي لا سمح الله ، المهم زوجي راح يشغل السيارة ماشتغلت ههههههه (فاضية ومعاندة ذاك اليوم مادري شفيها) راح جاب سيارة اخوه ومعاه مرت اخوه (هذي صديقتي ومثل عمري) وطول مسافة الشارع وانا اقول لهم يا اولاد الحلال والله بتفشلونا اكيد الدكتورة بترجعني البيت بتقول تو الناس عالولادة ، وصلنا المستشفى شرحت لهم الوضع قالو على طول روحي انسدحي وجو سوو لي فحص للرحم قالت لي الرحم متوسع 3 سم تقريبا ، قلت لامي شنو يعني متوسع انا ما احس فيه ولا شي وهااااااااااات ياضحك اختي وصديقتي والسسترات ركبو علي جهاز دقات القلب وجهاز قياس الطلق وانا مو مقتنعة وابي اوقف عن الضحك مو قادرة ليش ما ادري وكلما ضحكت كلما طلع صوت قوي من جهاز دقات القلب الي حاطينه لي وازيد بالضحك حتى امي تقول والله خجلتيني خلاص اسكتي وش بيقولون باقي الحريم الي هني ههههههههههه بعدها بشوي طقوني ابرة مادري وش سالفتها بس فهمت بعدين انها تجيب الطلق وصعدوني غرفة الولادة وبديت احس شوي بألم في ظهري ودخلت في الجد شوي ووقفت ضحك ، جاني ألم الطلق وحطو لي جهاز التنفس ماكنت قادرة اتنفس ولا ادري شنو اسوي وهم يقولون خلاص ادفعي الياهل بيطلع وانا مادري يعني شنو ادفع شنو اسوي والدكتورة تعلمني ، نصف ساعة بس من الالم والوجع والمعاناة وطلع الياهل وارتححححححححت وقامو هم بشغلهم الباقي، وجا زوجي وامي يهنوني بالولادة ويذكروني بالي سويته قبل ما اولد ويضحكون علي.

هذي قصة ولادتي الجميلة واتمنى ياااااااااااااااارب من كل قلبي تكون ولادتي هالمرة نفس الشي وما اتعذب ولا احس بألم ولا شي ، واتمنى لكم كلللللللللللكم الله يسهل عليكم ولادتكم يارب ويقومكم بالسلامة.

ادري طولت عليكم بس هذا كل الي صار معاي