عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
هذا الموضوع فقط للمواقف المرعبه والأكشنيشن
وتكون جامده حبتين ونص , 
بإختصــار راح ابدأ انـا بموقف مرعبيشن صــار لي مع بنات خالتي
==
انا:
في سنه من السنوات كان عندنا مناسبه في احد المناطق بالملكة
كنا كالتالي:
جدتي – جدي
انا – اختي
بنت خالتي-واختها-واخوهم في ابتدائي
خوالي الإثنين صغار بالابتدائي
المهم سكـنا بشقـه
الزبده كان عندنا مناسبه دخلت اغسل يدي بدورة المياه
وفجأه يطفى النور
عصبت على بالي بنت خالتي تستهبل
واقولــها فلانه شغلي النور ياللي فيك وياللي مافيك
قلت لالا اكيد ولد خالتي البزر الملغ ..فلااان شغل النور
شوي واشتغل النور الحمدلله
وطلعت ماحصلت احد بالشقه
يمه بسم الله وينهم
اسمع خروشه داخل الغرفه يبس قلبي
اشــوى طلع خالي قلت لها من طفى النور علي
قام يحلف يقول ولا ادري انك هنا 😆
المهم ماصدقته ورحنا كلنا المناسبه,,
بالليل رجعنا وخوالي ولد خالتي نايمين بالصاله بدون مكيف كنهم بنقاليه
جدتي وجدي خلاص راحوا ينامون
دخلنا 4 البنات بغرفتنا<<ماامداها صارت غرفتكم
بنت خالتي قالت لي وش رايك نسهر انا وانتي..قلت يلا قدااام مشينا
ونطلع الصاله ونشغل التلفزيون
وانواع الضحك والإستهبال والعباطه والبلع
شــوي نسمع احد بالسيب…فتح باب الحمام وسكره مره ثانيه
قالت بنت خالتي يــؤ جدي قام
قلت لالا باب الغرفه ماانفتح
ونجلس نوسوس
شـــوي الا نسمع صــوت احد يمشي صووووت نعال كعب ( اكرمكم الله )
وااااي تيبست عروقنا
ونطالع بعض بشك
وانا اقول جديييي حنا جالسين تعال مافي احد
صفقتني بنت خالتي وبغت تتفل بوجهي ههههههههههههههه
قالت لا ترى بيهاوشنا<<شف الثانيه
قلت اقول الوضع مشكوك بأمره..ونطفى التلفزيون
ونطل بالسيب مافيه احد
قلت مستحيل نروح الغرفه لحالنا بسم الله
شفت خالي بسادس ابتدائي نايم وقلنا مافيه الا يقوم يوصلنا الغرفه
بالموت بشق الأنفس قام,,
قلنا له تكفى قوم وصلنا..قوم وصلنا
انفجع وين اوصلكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلنا الغرفه نخاف نروح لحالنا
ونجلس نندب حضنا العاثر الداثر..ولا اخفي عليكم سـرا اني صيحت لين قلت بس<< 💡
وبالموت رحنا الغرفه..يوم هدينا شوي وذكرنا الله
قمنا الظهر
والا شنطنا مقلوبه فوق تحت
وملابسنا مطششه بكل مكاااان..وحووســه
تخيلوا من سـوى كذا؟؟
الى الحين ماندري<<اقول لا يكثر بس
المهم يوم رجعنا بالسياره
قالت بنت خالتي لجدتي : الشقه حلوه اذا جينا مره ثانيه بنسكنها
قالت جدتي لا مو زينه اعوذ بالله ماعرفت انام..
وقالت لنا كل شي يتحرك بالغرفه..ماعرفت انام
يلا انتظر مواقفكم المرعبه
نبي افلام رعـب ماابي خربطيشن
