عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا من زمان وانا مشاركة بهذا المنتدى وبعد سنة او فوق
بدأت في التجارة البسيطة وتخصصت في البدايه في البضاعات اليابانية او المنتوجات اليابانية
والحمد لله تجارتي ماشيه وشغلي ماشي زين وهذا كله بفضل ربي وله الشكر
الان
فيه نقطه واجهتني كثثيير وتضايقت منها
فيه كثير بنات يرسلون لي رساله خاصه ( مع العلم اني كاتبه بكل مواضيعي الرسائل الخاصة للجادة بس) اذا عندك استفسار ممكن تكتبينه بنفس الموضوع 
وهذا الموضوع كتبته قبل بس بعيده هنا
http://satfrequencies.com/girls/alfrasha17/thread1142037/
نقظ مهمه جدا
لكل حبيباتي سواء تاجرات او مشتريات:
1- ماعندي حجــز أبدا .. الجادة ترسل لي طلباتها وراح ارد عليها باللي متوفر واللي مو متوفر وبعدها تختار منهم
وارسلها رقم حسابي واول مايجيني المبلغ اشحن لها البضاعة باقرب وقت
2- اللي تقول ابي وابي برسالة ولما ارد عليها بالمتوفر حاليا والغير متوفر وبعدها ماترد علي ولاتختار شيء
اكيد راح ابيع البضاعة لاي وحده ثانية ولا راح استناها
3- ما أرضى لأي وحده تحول لي المبلغ قبل ما اوفر البضاعة اذا ماكانت متوفرة
وهذا الدليل المهم لكل التاجرات
قال صلى الله عليه وسلم:
” لا تبع ما ليس عندك “
أي ما ليس في ملكك وحيازتك
بصراحة ضاق صدري لاني بكل امانة اغلب الاحيان اشتري من البضاعة حبه وحده واعرضها واذا شفت عليها طلب رحت شريت زيادة
بس مره صار لي موقف ان وحده الله يهديها حولت لي المبلغ كامل قبل توفر البضاعة وتوهقت لاني مالقيت البضاعة اللي تبيها بالسعر اللي تبيه وخسرت مبلغ ومشاوير واشياء كثير
والحمد لله على كل حال
صح اني خسرت بس تعلمت وحسيت انه عقاب من ربي لاني مااتبعت الحديث بس باذن الله ربي بيسامحني لاني ماكنت اعرفه
!
4- انا اشتري بالحبه مو بالدرزن يعني بليز لاتقولي وحده طيب اذا شريت منك درزن بكم تعطيني؟!؟!
اختي حبيبتي
تقولين هذا الكلام للي تشتري بالدرزن لانها ماشاء الله بتربح كثير
❗
بس انا اشتري بالحبة وربحي كم ريال بس
5- قديماً قيل: قطع الأرزاق ولا قطع الأعناق!
فأرجو من البنات تذكر هذه المقولة واعتبار انها داخله سوق لان اسم المنتدى هذا ( الفراشة مول)
يعني سوق وانتي تختارين من السوق البضاعة الي تبينها والسعر اللي يعجبك وتقدرين عليه!
واذا ماعجبك السعر عادي مايحتاج تقولين ماعجبني ولا غالي
ماعجبك اعتبري انك في سوق وادخلي محل ثاني !
6- التجارة شطارة
يعني فيه وحده اعرفها بالمنتدى تشتري شيء بـ 20 وتبيعه بـ 120
كنت اقول ياويلها من ربي !
بس لما فكرت فيها كثييييييييير قلت بنفسي !
هي ماجبرت اي وحده تشتري منها غصب !
يعني ليش ربي يعاقبها هي عرضت بضاعتها وسعرها والمشترية وافقت عليه !
وش رايكم بكلامي هذا؟
7- الحمد لله ربحي كم ريال بس الحمد لله انا موظفة يعني مو محتاجة
وبكل صراحة أنا احب التجارة وامووووت فيها وتعلمت منها كثييييير !!
اخيرا
كلمة شكر لكل وحده وثقت فيني وكل وحده من زبوناتي وكلمة شكر خاصة
للزباين اللي تعبوني وجننوني !!
ههههههههههههههههههههههههههه
لاني بصراحة تعلمت منهم الصبر وان الناس انواااع واشكال وطبقات ودرجات 😆
وبس !!
وش رايكم بكلامي ياتاجرات ويا مشتريات !؟
حبيباتي
تذكروا الحديث ( لاتبع ماليس لديك )
ولاتغلطون غطلتي والله ماكنت اعرف الحديث
(( رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا ))
ارفعوا الموضوع يابنات بدعوة من القلب
والله يوفقكم يارب ويرزقكم الرزق الحلال ويبعد عنكم التاجرات اللي مايخافون من ربهم !
(( بنات انا احب اساعد فاذا وحده محتاجة اقتراح او محتارة
في شراء اي جهاز الكتروني
لابتوب – بروجكتر – WII – اي شيء محتارة فيه او تبي تشتريه انا ممكن اساعدها فيه واي شيء ثاني اقدر اساعد فيه او تاخذ نصيحتي ممكن تكتب لي هنا سؤالها وارد عليها
( هنا بالموضوع مو بالخاص)
وبس
🙁
وهذي الوردة لكل وحده قرأت موضوعي
