مهمومه ومتضايقه وابغى مشورتكم في حياتي هي صح ولا غلط تكفووون

السلام عليكم ورحمة الله وبركاته

انخطبت وانا عمري 16 سنه كنت باول ثانوي وفي الترم الثاني تركت المدرسه بسبب نفسيتي كانت جدا تعبانه لاني كنت رافضه الزواج وانا في هالسن المهم قلت ليش ما استخير وبعدها اشوف اوافق او لا وبعد الاستخاره جدا ارتحت سبحان الله وتزوجت وباقيلي شهرين واكمل 4 سنوات والحمد الله زوجي يموت فيني ومرتاحين مع بعض لانه كان يحبني من يوم وانا صغيره وربي مارزقنا الى الان بطفل بس قبل سنه حملت وطار زوجي من الفرحه بس يافرحه ماتمت بعد شهرين طاح الجنين ومنعوني من الحمل لمدة سنه بس تصدقون اني من يوم ماتزوجت ولا عمره فتح معاي سالفة الاطفال ابد ولا يناقشني فيهم مع انه يموت بشي اسمه اطفال بس مخليني على راحتي وهو خايف على مشاعري او يخاف يجرحني ومن يوم ماتزوجت كل سنه يقولي كملي دراستك وانا كنت ارفض وكنت اقول خلاص راحت علي بس بيني وبينك انا كنت استحي من البنات ونظراتهم للمتزوجه وكان يلح علي والسنه هاذي وافقت علشانه وانا الحين اول ثانوي واخذ حبوب منع الحمل لين ما اخلص الثانويه والمشكله اني نفسي اجيب له اطفال مرره احزن عليه لمن اشوفه يشيل اطفال الناس ويلعبهم وكذا مره يجيب بنت اخته عندنا في البيت ويلعبها ويجيب لها العاب وهو يقولي مانبغى اطفال لين ماتخلصي الثانويوهو عمره الان 26 وانا 20وامي دايم تقولي حرام زوجك كبير جيبيله عيال يكبرون معه وامه نفسها ان ولدها يجيله ولد بس ما اقدر احمل وانا ادرس وهو مايبغاني افصل من المدرسه ونظرات الناس لنا ماترحم ويقولون ان حبوب منع الحمل تعقم وزاد همي اكثر تكفون شور علي انصحوني ارجوكم انا ماعمري شكيت لاحد بها السالفه بس مالي غيركم بعد الله وانا مستنيه ردودكم واشوفها المساء لان زوجي ذحين يصحى وياخذ الابتوب معاه العمل والله لا يحرمني منكم ويسعدكم امين