عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا مشكلتي اني احب ولد خالتي ومتعلقه فيه حيل وحبي له صار له 19 سنه يعني من كان عمري 10 سنين
تخيلو كل هالسنين شلون اقدر انساه 💡 مستحيل
كنا صغار وعادي نلعب مع بعض ونشوف بعض بس هو مايدري عن شعوري كبر حبي له مع السنين
طبعا احنا من دولتين مختلفتين وكل دوله لها عاداتها وتقاليدها وكنت اجيهم بالاجازه مع اهلي
اذكر اني شفته اخر مره يوم كنت بالثانويه يعني يمكن من 10 سنيين
وقلت ابي انساه قطعت عنه هالفتره بأراتي قلت يمكن هو بيحن لي بس ماقدرت رجعت لهم وانا كبيره
وافكارهم تغيرت يعني البنت ماتقعد مع ولد خالتها عيب مع انه عندنا احنا عادي بس هم عندهم عيب
وحرام وكل مااجيهم يكون هو موموجود يكون بشغله مايرجع للبيت وانا خاطري اشوفه والله
اخته اللي من سني عندها خبر عني وقلت لها تقوله عني بس المشكله هو مايبيني
هو قال لها قولي لها اني ماابي من الاهل ولا بفكر انه يتزوج هالفتره
ويقول خلها تشوف نصيبها وين اشوف نصيبي مع غيره وانا ماافكر الا فيه انا عمري الحين 29 سنه ومن راح يتقدم لي بهالسن الحين
تققدمو لي من قبل بس كنت ارفضهم لان فيهم عيوب ولاني كنت اشوف صورته هو قدامي ساعدوني الله يخليكم قولو لي شسوي
انا ادري ان الحب الطاهر مو عيب ولا حرام بس وش الحل انا للحين عندي امل انه يوافق علي لاني متمسكه فيه ومأظن انه راح يلقى وحده تحبه وتحترمه بكثري
29 سنه للحين ماتزوجت وكل وحده اكيد تحلم ان يكون عنده عيال خاصه اني اشوف اخواني كلهم تزوجو وعندهم عيال الله يخليهم وتصير فيني حسره على عمري كل وحده تحلم انها تكون ام
وانا ادعي بكل صلاة انه يكون من نصيبي ويرزقني الله بالذريه الصالحه
