من مشكلتي الى مشكلة اختي

السلام عليكن و رحمة الله و بركاته

الحقيقة بدي اعرض مشكلة اختي لانو هي قاعدة و محتارة الي ماهو مفهوم

القصة و ما فيها انو هما قبل امبارحا كانو سهرانين سوا و شكلو هو كان بدو ياها يعني بدو……و هو شكلو المسكين قاعد يلف و يدور حولها و يلملحها بالامر 😆 🙄

لما خلصت و التفتت الو و صارو يتسامرون قبل النوم كالعادة
هو بلش يقوللها كلام حلو يعني شغل تمهيد للي ببالو ❗ 😛
هي الحوبة بس هلا استشعرت الامر
تقول انها كان بدها تلعبلو باعصابو شوي و بعدين تتجاوب معو
المهم هو يقوللها قوليلي احبك و هي تقولو لا انا اصلا ما بحبك و تتدلع عليه و على جسب ما قالتلي انها متعودة تعمل معو هيك و ما يزعل

بعدين هو شكلو اتغاظ من الموضوع جدا فحب يغيظها
قام قاللها كلمة بالانكليزي وقحة اعذروني بدي اكتبها من شان اوضح الصورة

قاللها****fuck you****

وهو عمل هيك قصدا منشان يزعجها لانو بيعرفها تقرف من هيك كلام

قام هي زعلت و راحت نامت بالغرفة الثانية

قبل ما تنام بعثتلو مسج قالتلو لو كنت صبرت شوي قبل ما تقول هالكلمة الوسخة كنت سمعت احلى كلام
رد عليها بمسج بالناقص منك و من كلامك انتي جدار اسمنتي

و بعدها بعثلها مسج انتي غبية

امس الصبح راح الشغل من دون ما يحكي معاها ولا اتصل عليها من الشغل

هي يا حرام قلبها حنون بعثتلو مسج و هو بالشغل قالتلو بس حبيت اذكرك فينا في حال نسيت

ما ردش عليها

كمان رجع للبيت ما حاكاها بتقول والله قلبي مفطور يعني هي الي المفروض تزعل ولا هو؟

و اليوم بعثتلو مسج قالتلي انو فيه كلام حلو

رد عليها بشكرا

قلتلها انو بدي اعرض مشكلتك في المنتدى و اشوف اراء الخبيرات هون

لانو هي اصلا متزوجة جديد من رمضان بس

الله يجازيكم خير مثل ما ساعدتوني بمشكلتي اعطوني تفسير لتصرف زوج اختي الي ما هو مفهوم