عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركــاته
/
/
/
/
/
/
كيفكـــم ياحلوات مســـاءكم ورد جوري
مقتطفــات من ديوان الشاعرة ( أغاريد السعودية)
(من كل قلبي قلتــها اليوم مابيك)
ويشهد على ماقلت دمع(ن) بكيتــه
ليت الليالي ..ماتجيني ابطــاريك
ودي ابنــسيـانك ولـو ماقــويتــه..
وليت الحنين اللي بقـلبي يراعيك
يموت وانسى اللي لنفسي جنيـته
/ / / / / / / / / / /
يامقــفي(ن) عندي مثل ساير الناس
شف خافــقي ماهزته ذكريــاتك
الظاهر اني صرت مثلك بلا احساس
ماتت عواطف خافقي من سواتك
والله ماتبــكيك عيني .. وتنـحاس
لو جابت الأيـام طـاري وفــاتك
/ / / / / / / / / / /
ياريـم كفي واتـركي كثرة اللـوم
هـذي حـياتي ياحـياة النـدامه
لاتنشدين القلب وش فيه مهوم
ولاتنـشدين اليوم حـظي علامه
عيني قرت ياريم ماتقبل النـوم
والدمع الازرق له بخذي علامه
/ / / / / / / / / / /
لي ثمان سنـين في حـبك مضت
وكن عمري معك لي سبعين عام
الليالي اللي بها الحب اخـتفت
باقــي منـها … تباريح الغـرام
وباقي منها جروح قديمـة مابرت
منـك وايـامي يغطـيها ظـلام ..
لو روحي بالــذي جـاها حكت
ضاع منها فيـك تعـبيـر الكلام
مير طابت منك وبالصمت اكتفت
وعزلت عنكم عيون(ن) ماتنام
/ / / / / / / / / / /
مرحوم حب(ن) مات قبل اهتني فيه
على فراقه تذرف الدمع عيني …
/ / / / / / / / / / /
أحلف يمين الله ماني جزوعي
لكن همومي وصلت منتهاها
/ / / / / / / / / / /
نفسي حداه منـك ضيم (ن) وهجران
وقلبــي حداه من المقادير حــادي
حبك غدا مـاله // مقر(ن) وعنــوان
ماينسمع صـوت الغدر لو ينـادي
حـبك تـرى لو وزنـتـه.. ابمــيزان
ترجح مـوازين الغـدر والعـنادي
لو سالت الدمعه على مر الازمان
لابد ماتــنـشف بمـسح الايادي
/ / / / / / / / / / /
يابنات اللـيالي كان شفــتي حبيبي
قولي اني على فـرقاه مــالي جلاده
وقولي انه ذبحني بالسهر والنحيبي
وفارقـتـني بعد فــرقاه كل السعاده
آه لو الحياء والناس لاشـق جيـبي
بس خوفي من الرحمن وادري عباده
خوفي من هروج الناس تردي نصيبي
ومالي الا الصبر على حياة الزهادة
ياعيني مـن العبـرات كفي وطيـبي
بس يادمع ياما قد سقيت الوسادة
يكفي اني على الدنيا وكني غريبي
من سبايب عبرته كل يـوم بعـياده
/ / / / / / / / / / /
العام أحبك وحبــك كل وجدانــي
واليوم مليت // من حــبك وطاريه
اتمنــى أنها تعجبــكم
دمتـــــم بفرحــــــهـ..
