من سنه ونص بعد الانابيب وانا …….

شلونكم بنات شخبااااااااركم 😡

والله احبكم في الله …. 😛

انا من سنه ونص سويت أطفال انابيب في اكبر مستشفيات الكويت والدكتور مستشار بس سبحان الله كل شي يتم بأمر الله سبحانه وتعالى
لو كان اكبر دكتور بالعااالم كله مايتم الا ماكتب ربي
اخذت موعد ورحت للدكتور بعد ماعرفت وتأكدت من اشعة الصبغه ان معاي انسداد بالانبوب الايمن والايسر وتلفها ..
قالي الدكتور مالك الا اطفال انابيب ويمكن نسبه نجاحها صغيره لان يمكن الانابيب تنزل صديد وسوائل للرحم تقتل الأجنه لاسمح الله

انا هنا صكت فيني الدنيا واسودت استغفر الله ياربي
قعدت ابكي وابكي وزوجي ماقال ولاكلمه

ولا احنا قادرين نسوي منظار نشيل الانابيب عشان عندي منطقه البطن (كرش) والدكتور قال لازم تنزلي وزنك مقدار كبيييير عشان نسوي لك منظار او نفتح لك بطنك!!
ياساتر فتح بطن بعد لا ماتحمل

😳
والله العظيم قعدت ابكي بكاء مرررررر مرررررررر وزوجي منصدم حبيبي الله يسخره لي وتضايق وااااااااااااااايد
وقالي ان ماضعفتي ياويلك @@

انا خلااااااص لولا ايماني بالله كان انتحرت والعياذ بالله

المهم قرأت القرآن واستغفرت ربي ونسيت الموضوع

بس بعد فتره قلت مايهمني ولاشي خلاص بسوي عمليه اطفال الانابيب والله كريم
توكلت على الله وسويتها بعد مااخذت سلفه من البنك (مبلغ كبير كسر ظهري)
رحت للدكتور وقالي وزنك كبير << رد على عوار القلب افففففف

قلت له دكتور خل نجرب والله كريم

المهم خلاص بلشو معاي علاج رغم اني واجهت صعوبات بكل مراحلها من ابر .. سونار .. بخاخ .. مواعيد….الخ(بسبب السمنه)

والحمدلله تم السحب بسهوله (ومن غير بنج)

بس لمن رجعو الاجنه تعبت موووت والسبب(السمنه) لاتسألوني كيف؟؟

بس وقتها بغيت اموت من الفشله والحزن والتفكير

والدكتور كان عصبي ومترفز بسبب السمنه وكيف واجه صعوبه بالترجيع

وفوق كل هذا اكتشفو عندي مشكله جديده بعنق الرحم ولازم عمليه بس انا رفضت بعدين

ان عنق الرحم عندي قصير ومادري شنووو !!

المهم رجعو ومن خلص الدكتور وانا توقعت انها ماراح تنجح

وبالفعل بعد انتظااار 13 يوم رحت بحلل

وانا انتظر ماتم دعااء ماتم ولا شي ماقلته

لمن نادوني للنتيجه شفت رقم 500 😉 يعني لمحته بالورقه

قلت يااااااااااااااااااااااااااااي والله اكيد توأم النسبه كبييييييييييييييره ماشاءالله

بس لمن ركزت شفتها
0.500

يعني نص بس 😐

حتى مو 1 بعد آآآآآآآآآآآآآآآه

والله طلعت اجر اذيال الهزيمه والفشل والاحباط

بس تصدقون

طلعت رديت البيت اضحك مادري ليش ولا بكيت ولاشي الحمدلله

قلت اللهم اجرني في مصيبتي واخلف لي خيرا منها

المهم انا كانو مجمدين لي 4 (واللي رجعوهم 3 بس)

سويت ترجيع الاجنه المجمده بعد شهرين قالو واحد من الاربعه راح موزين بس 3 والحمدلله اوكي ..!

رجعتهم

بس للاسف ماصار حمل 😎 والله كرهت نفسي والسبب وزني الخايس

الحين بنات انا اسوي رجيم امانه حبيبات قلبي ارجوكم بليز ادعولي والله اني محتاجه دعائكم ان تنجح العمليه هالمره ان شالله بس بعد شهر راح اسويها

واوعدكم بقولكم تجربتي وابشركم انتو اول ناس 👿

ومثل ماذكرت سبب العمليه بانسداد الانابيب الله يفتحهم من غير شر اللهم امين

طلبي من بعد الله اطلبكم واترجاكم تدعون لي
ان الله يرزقني بالحمل قريب وتنجح عمليه اطفال الانابيب اللي بسويها