أولا – أنا جربت كل الماركات الموجودة بالسعودية ، وجبت من أمريكا كحل ( رول ) مش بطال .. بس بعد ماطحت على هالكحل خلااااااااااص وزعتُ أقلام الكحل الماركات اللي عندي على ( بزرات ) العائلة ، وشريت منه درون 🙂
ثانيا – وشلون طحت عليه ؟
شفت على بنت جيراننا عتيبية كحل سواده سواد الليل وطول الحفلة ماساح ولا ناظرت مراية ، وأنا كحل لانكون بـ95 ريال وضد الموية وكل شوي أمسح وأخط !!
سألتها وبكل صراحة طلعته لي من الشنطة وعطتني إياه !
ثالثا – هو غير موجود بالسعودية . بس في الكويت . أنا جبت درزن لي ولاخواتي . واللي تبيه تطلبه من بنات الكويت .
رابعا – اللي تعرف وين نحصله بالسعودية – ولو في الربع الخالي – تقول لي رجاء ، علشان لو خلص أضمن عندي مكان أشتري منه .
خامسا – كل اللي أبيه منكم دعوة إن الله ( يشفي أخوي عبد العزيز ) فقط لا غير . والله يامام بنات يستخدمونه واذا سألتيم وش كحلك قالت : عادي ما اعرف وش اسمه – بعدين أقول لك !!!!
لكن انا اعتبرتكم اخواتي وقلت لكم – فلا تبخلون علي بهالدعوة فقط فقط فقط فقط .
سادسا – هذي صورته :
http://www.y1y1.com/u/uploads1/17e015ffc9.jpg (http://www.y1y1.com/u/)
سابعا : مميزاته /
1. مايسيح لو تخلينه عليك شهر !
2. أسود مايحتاج تحطينه مرة ثانية بالحفلة او الدوام لانه مايتأثر بالرمش ولا بالدموع .
3. سعره 24 ريال فقط فقط لاغير ( الله يخلف علي كم مية دفعت للانكوم وكلينك وشانيل !!!) .
4. مايحك بعينك أبدا – قسما بالله كأنك مو حاطة شي .
ولا تنسوا الدعوة اللي طلبتها منكم الله يوفقكم يارب .