من تجربتي الخاصه …وفي زمن قياسي

كيفكم ؟!

وكيف الاجازه الحلوه … 👿

ندخل على المهم دوغري > مهنا احلى من الدوغري ➡

وهو اني قريت كذا شي يخص الجسم وانا بطبعي اميل للطبيعي اكثر لاعتقادي انه اذا ما نفع ما ضر ..
وفيه كذا شي اقتنعت فيه والاهم اني شفت نتايج مره مرضيه من مرتين ..
وقمت سويت لي جدول بحيث اجمع الي قريته وسمعت فيه وجربته عشان اضاعف النتايج الحلوه 😥

وقمت سويت هذا الترتيب ونفع معي وقلت انزله لكم عشان تستفيدون بنات ولا متزوجات ولا عروسات بهالاجازه …

1- تجيبين زيت الجلسرين الطبيعي (البرافيل) من عند العطار وتحطين منه كميه تكفي جسمك او المنطقه الي تبين تفتحينها + ليمون (مكتوبه الطريقه على علبيته ) وتفركين فيها جسمك
(وهذا يكون قبل الاستحمام بساعتين )

2- اذا دخلتي الحمام بفرك بسيط مشي على جسمك بالليفه وبعدها حطي الصابون المغربي طبعا جتني الفكره من الحر الي احنا فيه فالواحد جسمه يصير مندي ورطب كأنه بخار بالتالي كأنه حمام مغربي 😛 وتخلينه من 10دقايق الى ربع ساعه على ما تغسلين شعرك وكذا

وتسوين الطريقه المكتوبه عليه وهي انك تغسلين جسمك ثمن تجيبين الليفه حقته وتفركين جسمك فرك مكرر وبلطف وتركزين على المناطق الخشنه والي فيها سمار
3- بعده تجيبين صابونة اغادير الاصليه لونها شفاف برتقالي وتفركين بها جسمك المبلل وتجيبين ليفه وتفركين بعد ما ترغي الصابونه على جسمك وتخلينه 3 دقايق على الجسم

4- اذ طلعتي من الحمام تجيبين سفيد اب (مثل الحجر الابيض من عند العطار) وتحطين كميه قليله وتحلينها بماء ورد وتفركين جسمك فيه بقطنه ولا تغسلينه بيصير زي البياض عادي مهو مشكله حركيه بأيدك بلطف وبيروح بس اهم شي ما تغسلينه

5-لترطيب الجسم وعلى الاقل الاكواع والركب حطي اي شي انتي متعوده عليه …بس بعد السفيد اب بساعتين على الاقل ..

هذي الطريقه جدا رائعه وممتازه وانا عن نفسي مستخدمتها نعومه + صفاء 😡 + تفتيح الجسم
وحبيت اطرحها لكم وممكن تستفيد منها اي وحده بالنسبه للعرايس والي ما بقي على زواجاتهم شي تسويها كل ما بغت تتحمم ..وبتحس بالفرق معد كل مره
واما الي مو مستعجله مجرد انها مع الوقت بتستفيد تسويها 3 مرات بالاسبوع …