من اللي يقول احنا ما نقدر……………..!!!!

أنا كتبت الإيميل هذا و كلّي أمل إني ألقى نتيجه .. أو حتى تفاعل ، وَ تأييد ..

.

ب أقولكم مثال نعايشَه كثير ..
نتخيل مَع بعض ، وحده تمشي مع صديقاتها في ساحة المدرسة .. و كانت تتكلم ,
فَرضاً عن ” اليابان ” ..
و تقول ، : اليابان أحسن مننا .. ع الأقل متطورين مو مثلناْ ، أنا أحب اليابان و ما أحب السعودية !
ماكملت دقيقه من حَكيها ، إلا و ترمي المنديل اللي في يدها على الأرض ! ..

وش رايكم ؟ ، تتمنّون إنها ب اليابان على هَ النظافة ، صح ؟
طيب مآتحبين السعودية إنتي اللي سعيتي ب خرابها مو ؟
الحين لمّا نحب الشي نحاول نكون مثله بكل شي يسوّيه ..
أنا ما أقولكم نصير زي اليابان يلا ، لا بقريح !
بس ليه إحنا كِذا ؟ ماعندنا إلا الحكي ، ولا جَت الصدقيه صرنا ( الله ب الخير ! ) ..

فكرتي اللي أبي أوصلها لـ الشعب السعودي :

اسم إنك سعودي ، تعرف وش معنى سعودي ؟
لفظة ( سعودي ) مجرّد لفظه ، ماتحس إنها عظيمة ؟
جرب تنطق ” ياباني ، فرنسي ، بريطاني ، إيطالي “
و إرجَع انطق ( سعودي ) ..
وش حسّيت ؟

.

طيب .. سعودي ، وين وطنيتك ؟؟
ليه يا عالم نصّ الشعب ما عندَه وطنيه ؟ ، ليه الدول الثآنيه أفضل مننا من هَ الناحية ؟

تتأزم نفسيتي لما أشوف واحد أو وحدة ماعندهم وطنيه ، وطنيتهم للدول في الخارج بس ،
تدرون إحنا وش فالحين فيه ؟
( الدولة الفلآنية ) : فيها خُضرة و شلّالات و تطوّر و مباني و شوارع زي الناس ، و نظافة ..
أوكي .. وش ذكرنا عن هَذي الدولة ؟
ذكَرنا إيجابياتها فقط ! ، و مستحيل في شي ماله سلبيات !
تدرون وش سلبياتها ؟ أنا أقولكم ..
( الدولة الفلآنية ) : ما عندهم أمن مثل أمن السعودية ، مستحيل يلقون السعادة ب قلوبهم وهم ماعندهم دين ، يكفي إن كل شي عندهم مباح ،
و لذّة الشي بصراحة لما ننحرم منه ! ..

( جنّتهم الدنيا – وجنّتنا جنة الآخره اللي ماراح تزول .. مهما كان عندهم خضرة ، في الجنة أحسن من خضرتهم ب مليون ومليون مره ! )
طيب ، نرجع لموضوع الوطنية ..

.

بَعض الناس يقولون :
أستغفر الله وش ذا الدولة “ السعودية يعني ” !
لا أسواق زي الناس ولا مناظر سنعة ،
شوفوا باريس وش حلاتها ، أعوذ بالله مو زي السعودية الخايسه !
ولا شوفوا لندن ، وه بس يازييينها ..

بعض النآس ، يقولون أنا أكره السعودية ، و ( الدولة الفلانية ) أحسن منهاَ ، و أتمنى أعيش فيها !
طيب روح و عيش فيها ، جرّب شعورك هناك .. متأكدة إنك بتندم ع اللحظة اللي قلت فيها ه العبارة ..
لأن ما أحترمك إلا السعودية ، و ما وفّر لك مكان تسكن فيه إلا السعودية

– ليه يا جماعة إحنا كِذا ؟ ، ليه دائماً نناظر اللي عند الناس ولا نناظر اللي عندنا !
إحنا نقدر نخلّي دولتنا مثل باريس و أحسن ، تدرون متى ؟
لما يصير عندنا لو ع الأقل ذرّة وطنية ! ..
نقدر نحسّنها من وضعها هذا لوضع أحسن بكثير …
لما أشوف موظف سعودي ، بصراحة أفتخر .. ودي بس أروح و أحب راسه ..
هذولا الناس الصح ! ، اللي يشتغلون ومايهمهم شي

شوفوا ( قطر ) مثلاً ، ماشاء الله تبارك الله ..
وطنيتهم قويه قويه ..
عممري ما دخلت معرض لـ شخص قطري إلا ولقيته حاط صوره لعلم دولته أو شي يدل ع وطنيته

طيب ، و السعوديين .. وينهم ؟
مو صح بلادنا هي اللي تستحق الفخر ؟
( أمن و أمان – الله يديمه علينا يارب – ،
حكّام الدولة الله يخليهم مو مقصرين علينا بشي ،
نعمة الدين هذي نعمة عظيمة والله عظيمة يا ناس …. )

بلادنا عظيمة لو تدرون !
نقطة يغفل عنها الكثير :

إحنا الآن ننام بكل أريحية و بهدوء تام ،
بالخارج على إيش ينامون ؟ ع أصوات و إزعاج و ممكن إطلاق نار وإنفجارات ..
لدرجة بعض الدول يصير في حظر تجوّل بعد ساعة معيّنه في الليل يكون هذا الوقت مخصص لعصابات المافيا و غيرهم !
و إحنا الحمدلله متى مابغينا نطلع من بيوتنا طلعنا ..

و على فكرَه ، إنّك تكون تحب بلآدك مايعني انك تطلع تتمشى بالشوارع باليوم الوطني وخلاص ..
لا ، الوطنية لـ دولتك تلقاها جوّاتك ! .. تلقاها ب قلبك لو تستشعر محاسنها عليك !

نقدر نصير سعوديين ، قول و فعل .. اسم و مَعنى !
مين اللي يقول إحنا ما نقدر ؟

* إخواني :

أتمنى وصلتكم رسالتي ، وفهمتوا المقصَد منها ..
و أتمنى إني وصّلتها بشكل كويس
و إذا ودّكم تطورون بلادكم مرروا الرسالة بس ،