عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
حبايب (قلبي ) اسدح بين ايديكم قصيدة في قمة الابدااع
اتمنى من اعماقي تحوز على اعجابكم …
<<<< سارقتها ليعووووووونكم :0151:
يا بحر .. فيني من الحزن .. كثـر ما فيـك ..
من حزن .. وأوجاع .. وغياب .. وغرايب
لا تلومني أليا شفتنـي .. دايـم أجيـك ..
ولا شفتني دايـم .. علـى الشـط .. ذايـب
حزني كبير .. أكبر من حدود .. شاطيـك ..
وأقسى مـن جـروح الزمـان .. العطايـب
وإن كان تنشدني فأنـا .. مقـدر أخفيـك ..
دايم أظن .. ويطلـع .. الظـن .. خايـب
في هالزمن .. أقرب حبايبـك .. يشقيـك ..
اللين تدفـع فـي غــلاه .. الضـرايـــــب..
من بعد هذا .. يبتعد .. عنك .. ويجفيــك ..
ماكنه .. بجنبك .. قضى الوقـت .. طايـب
وإلا .. الخوي اللـي توقعـت .. يفديـك ..
يفديك عمـره .. لاغـدت بـك .. نشايـب
صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب ..
لا تقول لي .. بدري .. وتوك .. ويمديـك ..
وتعال .. وأسمع باقـي الهـرج .. صايـب ..
خلك بحالك .. وأطلـب الـرب .. يهديـك ..
ولا تنشد اللي غاب .. وين أنـت .. غايـب ؟..
وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايـب ..
وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايـب
دمتم بود وسعادهـ
قـلـب حـسـاسـ:02:
