عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بيكم خواتي
انا جديده بالمنتدى وهاذي اول مشاركه حجي
ومن زود مااعشق منتداكم بغيت اسجل فيه لاني دوم ازوكم واشوف مشاكلكم و طريقة
حلكم للمشاكل
وربي عجبتوني
يعني كأنكم عائله وحده
ماشاء الله عليكم<< اتمنى مااكون حاسده ➡
المهم بخبركم مشكلتي :
انا والحمدلله ربي رازقنا خير وبركه ابوي
يشتغل شغله مهمه ومغرقنا بخيره
وعمري مااشرت ايدي بشي ابيه الا واوامري مجابه
وحاسه وربي اني اميره
والحمدلله ربي مان علي بجمال ودلع وعائله الكل يتمناها
من كنت صغيره لحد ماصار عمري 19 سنه وانا مثل الاميرات الي سائق بروحي
ومصروف بروحي
غير كذا انا البنت الوحيده وكلامي هو اللي يمشي
وعندي اخوان اثنين
بالرغم من كل هذا بعدني احس بشي ناقص
وياما اشتري الماركات والغالي
بس بعدني حاسه بضيق
ومن دشيت ال 20 ابوي بعيد ميلادي اشترالي سياره اخر موديل والله
وناسه صرت أهمل البيت كله برا
اغازل الصبيان وصديقاتي صديقات سوء
يحرضوني على هالاشياء صح اني كبيره عشان اعرف الصح والغلط
بس اهلي من زود دلالهم نسوا يعلموني الصلاه مع ان جدتي
الله يرحمها علمتني
بس صرت انساها صرت اصلي يوم واترك يوم
استغفر الله بس
ساعات يااخواتي ربج يعطيكي دليل ويخليكي تتفكري وانا
ياما كنت ماراضيه عالوضع الللي فيه
مع اني اميره
المهم كنت مو متحجبه وملابسي ملابس لبنانيات باختصار كنت منحطه
لا تستغربوا هاذي انا
كنت اشيش وماهمني الناس
وابوي وامي لاهيييين بالسفرات واخواني مايهمهم شي عني
بالعكس لا شافوني يسألوني سؤال واحد بس
تبين فلوس
ياخي المفروض تستروا علي تحافظوا على شرفكم
بس للأسف هملوني
تعبت يااخوات من المعصيه
انا اخذت كل ملذات الدنيا بس الشي الوحيد اللي ارتحت له
اني بالرغم ماكنت اغازل الشباب الا اني عمري ماطلعت موعد مع اي واحد
المهم لما صرت بال 21 سنه تعرفت على بنت جارتنا شفتها بعرس والله قمر
حلوه مثلي
وبغيت اضمها لصديقاتي المبتذلات
المهم خذيت اسمها
وعرفت انها من اقارب جيرانا وحبيت ازورها
ومن زرتها شفت شي غريب
صح انها في العرس لا بسه فستان متعري
بس من شفتها غير
كنت محجبه
عزمتها على الكوفي شوب وبالرغم انها ماتحب هالاماكن
الا انها وافقت وبخبركم ليش
بس ماراح اكمل قصتي الا اشوف التفاعل منكم اخواتي بخبركم ليش سميت نفسي منيره
بنت عقاب وشو مشكلة اخواني معي
