عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ابي فزعتكم يا اخواتي
بنات انا شبكتي بعد اسبوعين
وابغى محل ينسقها لي يكون في البديعه بالرياض
ابيها تكون فخمممه بس الميزانيه عساها تكفي
ابغى طاولات وكراسي وزل
وطاولات هاف مون تنفع للاستقبال والعشاء تنحط في بداية البوفيه اللي تكون على شكل هلال
طايحين فيها الحين
وابي مفارش فخمه ونظيفه مابيها معدومه من الغسل
وابي سخانات للبوفيه لان بعض الاشياء السهله باطبخها في البيت ارخص
وابغى قهوجيه وصبابات بزي موحد وتكون عدتهم كلها طقم وفخمه
والاهم
ابغى سماعتين بس تكون اصليه مو تقليد لا ن بنت عمي قد جابت رخيص وطفى عليها ابغى استاجر ماركه تكون جديده وشارينها بسعر غالي
وابي مكسر اصلي وفخم اللي يشبك من الابتوب ثم للسماعات ومن المكرفون سلك للمكسر يطلع صوتنا مع الاغنيه
لو بنشجع او نهدي
وابيه يسجل الاصوات للذكرى
وابي مشرفه للمكسر وعلى طريقها تشرف عالقهوجيات
بالعربي ابيه دي جي بس انا باجيب لابتوبي عشان استخدم الطق اللي عندي مابي موسيقى
وابغى اضاءات شفتها في شبكة بنت عمي تتاثر بالصوت والتصفيق يعني مع التشجيع تزيد قوتها وحركتها
كانت معطيه جو خطير
وابي ليازر اللي تشبك في المكسر وتزيد قوتها حسب الموسيقى
مشكلتي ابيها كلها من محل واحد
لان ماعندي احد يفرفر بي عالمحلات كل شئ من مكان
وابي اسعار معقوله
لاني سالت عن الدي جي لقيته بــ 2500
سعر غالي بالنسبه لميزانيتي
انا ميزانيتي 4000
وابغى اسوي كل الاشياء
والله خاطري فيها
بس ابي محل واحد يجهزها
وتناسب ميزانيتي
تكفون بنات اللي تعرف رقم محل يسوي كل هذي
لاني سالت لقيت الزل في محل
والاضاءات في محل
والصوتيات في محل
بس ابيهم من محل
اللي تعرف تنفعني ولها دعوه في ظهر الغيب
واوعدكم بعد اسبوعين اوافيكم باخبار شبكتي
تكفون لاتردوني خايبه
ارفعوا موضوعي بدعوه للي ما عندها علم
