منتخب الكويت والسعوديه وقصة ام سلطان

قبل مبارة الكويت والسعوديه طلع المذيع سعود الورع على قناة سكوب وكله تحدي وأسلوب بايخ جدا

كان يتلقى اتصالات من السعوديين والكويتيين الجماهير السعودية الي كانت تتصل من جده ومكه والرياض وغيرهم بيتكلموا بروح رياضية وبيقولوا للمذيع الفوز والخسارة مو مشكلة الي لعبه حلو بيفوز ونباركله ….

يرد عليهم بتحدي وإستعلاء : لاااااااا إحنا الي بنفوز وبأربعة عليكم اشتبي ؟؟ يقوله السعودي ياخوي مافي مشكله كلنا واحد الي لعبه حلو خله يفوز ويرد يتحدى

لا احنا بنفوز عليكم بأربعة ؟؟ وهذا كلامه لكل متصل لين قال :

وعندنا الدليل (( عــــــــــــــــــــرافتـــــ ـــــــــــــــــــنا )) أم سلطان هي تنبأت وكشفت ان النهائي بين السعوديه والكويت والحين بندق على العرافه ونشوف كم بنفوز بكره ؟؟؟؟

دق سعود الورع على العرافه ام سلطان وقالها : ياعرفتنا يا ام سلطان بردي قلبي وقوليلي بنفوز باجر بكم ؟؟

قالتله : بتفوز الكويت يا 2-3 صفر السعوديه

رد سعود الورع وقال : لا عاد خليها اربعة صفر قالت العرافة يمكن تجي اربعة صفر ؟؟ رد عليها الله يطمنج وإن شاء الله الفوز لنا ؟؟ >>>> تطمن من العرافة؟؟

اتصل رجل ثاني لم يذكر جنسيته وسأله ليش ياسعود الورع تبي تزرع فتنه وكره بين الاخوان السعوديين والكويتيين عشان كوره ؟؟ رد عليه قاله اكيد انت مزدوج جنسية لما تحدد جنسيتك تعال كلمني ؟؟؟

يعني هو نسى سعود الورع ان الكويت اصلها من السعوديه ؟؟

وان راس الكويت حكام الصباح اصلهم سعودي جايين من الهــــــدار من بطن السعوديه ؟؟ الجزيرةالعربيه كلها دوله واحده ايش فرقت بالحدود ؟؟

اذا مايعرف التاريخ نعلمه احنا التاريخ ؟؟

والكويت نسيج متشكل من هجرة السعوديين والعراقيين والايراانيين المتجنسيين من زمان قبل تطور بلدانهم والكويت متطوره من زمان وفيها كان رزق لناس كثير وهذا شي معروف واستوطنوها وعاشوا فيها ابا عند جد وكويتيين ..

فعلى اي اساس جاي يتكلم على الاقل ياخذ العبره من صاحبه الجويهل الي اكل علقه معتبرة البارح وانضرب لين جاته غيبوبه بسبب بذاءة لسانه على الناس ؟؟

الجويهل قضيته الي يناقشها رائعة واحترمه عليها ان لازم يكون في تحديد جنسية واحده مو جنسيتين وهذا شي طبيعي وقضيته هذا الي تبناها الكل يدعمه فيها لاكن اسلوبه بطرحه للقضيه كان سيء وجدا غير موفق ولا هو اسلوب شخص متعلم ومثقف ومتربي في بيئه يقول انها عدله ؟؟ انك تحقر العالم وتهينهم ؟؟

………………………… …

نرجع لمحور حديثنا سعود الورع

الكلام الي بقوله اشلون انسان مســــلم متعلم مثقف خليجي يسمي نفسه ؟؟؟ يطلع على قناة فضائية ويقول احنا كشــــــــــــــــفنا وعرافتنـــــــــــــا قالت بنفوز بأربعة ويتحدى عشان شي مايسوى ؟؟؟

هل انحدر الاعلام الخليجي خاصة الكويتي لدرجة اصبح يستعين بالمشعوذين والعرفات لجلب الانتباه لبرامجهم وإثارة الفتن بين ابناء البلد الواحد ؟؟

وين دور وزارة الاعلام بالكويت لوقف مثل هذى الشركيات والمهازل الفضائية ؟؟

المفروض مايمر الموضوع مرور الكرام لانه يبطريقته يفتح باب للشر و بين للناس انه لا بأس بأن تشرك بالله وتعلم الغيبيات من البشر علني حتى بدون خوووووف ؟؟

سعود الورع نتوقع منه كل شيء لأنه من مات الخوف من الله في قلبه ماذا تتوقعون منه وملفات الشرطة بالكويت تشهد بذلك فقد تم إيقافه اكثر من مره لحيازته زجاجتين خمر ومره وهو يقود السيارة بحالة سكر ؟؟

عن رسول الله صلى الله عليه وسلم أنه قال : من أتى عرافا فسأله عن شيء لم تقبل له صلاة أربعين ليلة أخرجه مسلم في صحيحه ،