منتجات هيمالايا الي استخدمها

يا هلا ويا مرحبا يالله انك تحييهم 😀

وشلونكم وش علومكم ….خلاص خلاص ابعطيكم الزبده 😎

معظمنا يعرف منتجات هيمالايا ..وانا سمعت انه منتجات طبيعيه ..ما كذبت خبر رحت للسوبرماركت واشتريت ما يلي

ليه نسيت اقولكم انا بشرتي عاديه مائله للجفاف ..حساسه من الشمس

1/ كريم تفتيح البشره والمواد الفعاله الي فيه الزهره الفارسيه ..البرتقال المر ..الوفيرا ..ويحتوي على مضاد لاشعه الشمس سينا بلوك الي يمنع الاسمرار ..يعني عصفورين بحجر مبيض + واقي من الشمس ..ومرطب رهيب وخفيف مو زي باقي الماركات 😐

2/ كريم يستخدم ليلا لتجديد الحيويه والنشاط ..يغذي ويعالج البشره ويعيد لها توازن الرطوبه .يحتوي على التفاح ….والليمون والطماطم حبوب القمح والسوسن الابيض…طبعا ينحط قبل النوم والبشره نظيفه …هذا احس انه صدق غير بشرتي لما اقوم من النوم واناظر المرايه احس لوني موحد وصاااافيه ..انتي بس شوفي المواد الداخله فيه تعرفين انه ممتاز 😎

وابقول لكم بعد اشياء من هيمالايا لكن للشعر

3/ كريم الشعر بالبروتين ….حلو بس ثقيل انا احط كميه منه بكفي واحط عليه كم نقطه مويه وامسك اطرااااف شعري وابدأ اوزع وادهن تصير اطرااف الشعر مرتبه ولامعه …هو مو حلو مرررره حلييو ..خخخخ

4/ شامبو حقه حلو كفايه انه مافيه الماده الضاره الي تسبب السرطان وانا استخدم مضاد للقشره لللشعر الجاف اذاكنت مو مزيته شعري واستخدم للشعر العادي اذا كنت مزيته شعري ….وش رايكم ذكيه صح خخخخ

5/ البلسم بالبروتين وععععععع ما ادري ليييييش طالع هو من بدهم شين شكلي شاريته وهو مبطي في المحل يعني عثا فيه الزمان

هاذي عصاااره تجاربي مع هيمالايا …بس والله العالم ما كتبت هالشئ الا من حبي لكم واتمنى انكم تستفيدون مثل ما انا ااستفدت وهذا الكلام بعد استخدام اكثر من اسبوعين ..وترا الكريمات حقه البشره رهيييبه ما عليها غباار

وناويه اشتري الحليب المنظف والمقشر بس توني ما رسيت خخخخ…

السموحه على الاطاله 😆 🙂

الي عندها اي استفسار انا في الخدمه …دعوااااتكم لا تحرموني منها ….

في امااااان الله ورعااااااايته