عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاتة
كيفكم جميعا
راح اقولكم على سالفة عيديات العيد
بعدها اوريكم كيف سويتها وكيف طلع شكلها
امي كل سنة لااازم توزع على البزران عيديات فلوس تعطي كل واحد عيديته في يده
بس هذي السنة قولت لااازم اسوي حركه حلوووه في طريقة تقديم العيديات نفرح فيها البزوره
وبما ان امي تحب الحركتات هذي وراح تفرح لمن اسويها قولت لااااازم اسوي اي حركه
المهم العيديات لااازم فلووووس جديده تطقطق طبعا طووول رمضان انشغلنا مع الصوم وصلاة
وعلى اخر يومين قمت ادور على صرف ريالات وخمسات
ادور هنا وهناك واتصل على اخواني اقولهم ابغى فلوس جديده
كلهم يقولو انتي ليييش ما اتكلمتي الا ذحين بعد ما قفلة مؤسسة النقد
من وين نجبلك قولت دورو من اي حته
جلس اخويا يدور يوم كامل ما لقي الا فلوس قديمه
يتصل عليا هاه تبغي قديمه وانا اقول لااا حلاتها انها جديده
المهم مررررره اتنكدت هذا اليوم كنت مخططه لشي وما صار
طلعت عند مرت اخويا اقولها على الهرجه قالت طيب ينفع مصروف البزوره حق المدرسه
قولت وااااااااااااااااااو ايوه جيبيه حرااااام عليك لييش ما قولتي عنه من اول
شايفتني ادور هنا وهناك قالت نسييت منه لان المدرسه لها ثلاث شهور
نسيت من المصروف المهم وتروح تجبلي الخمسات والريالات
انا طاااااار عقلي من الفرحه نزلت عند اخواتي اوريهم الفلوس
لمن امنت الفلوس بديت في نفس الوقت اضبط السله اللي راح احطها فيها
سله عاديه وجبت فلين وغلفته بمناديل لسفره>>انتي ومناديل السفره في زحمه
دخلت الفلين جوت السله عشان يكون قاعده
وهذي الاشياء اللي راح استخدمها سله حلاوه ابو قلب العيديات شرايط
طبقت العيديات زي المروحه مرره تعبتني وجات اختي ربطتها من النص بشريطه طلع شكلها وااااو
ثبتنا الحلاوه بلصق ابو وجهين
واحنا نشتغل دخل علينا اخويا وشكله حب الشغله العائله كلها موهوبه هع وضبط وحده بس طلع شكلها حلو
هذي اللي على شكل دائره اخويا مسويها
هنا بعد ما سوينا مجموعه
وهنا بعد ما غرستها باعواد الحلاوه في الفلين
اما الريالات مرره ما مداني اسويها زي المروحه واصلا مره تعبت قمت خليتها في السله بهذا الشكل
وهذي لكل وحده تمر من هنا
نفذوها في عيد الاضحى او الفطر السنه الجايه
ينعاد علينا وعليكم
شــوشــو
زرقاء اليمامه اللي راح تطلعني في الصور
