عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حبايبي
انا بدخل مواقع كتير وماسرت احب ادخل
تعرفوا ليش
لان الناس علي كتر تعلمهم وثقافاتهم وتطورهم
على كتر وجود العنصريهـ عندهم لحد دحين
كل مابدخل مكان اشوف المشاكل الاجتماعيهـ والشخصيهـ منسوبا لجدهـ
وبالاخص للحجازيات او بمعنى اصح الحضر
زي لو بنت ما بعرف ايش لبست قالو اتعلمت من الحضر ولا ماخرب بناتنا غير الحضر
لو اعلاميهـ سعوديهـ اسادت لصورهـ المرآهـ السعوديهـ قالوا دي طرش بحر
لو وحدهـ ما بعرف ايش عاملا بلا ومصيبهـ بنات الحضر السبب
حتى في المصيبهـ اللي سارت لنا قالوا ذنوبنا السبب
ولا ايش يصيرو البنات نكرهـ لييييييييييييييييش
لانهم بيكشفوا وجوههم تيب هيا عادات
بيقولوا اللي بتكشف وجهها دي بنت فيها وفيها
تيب ليش ليش نحكم عالشخص من الضاهر
انا طرحت الموضوع دا للنقاش واتمنى من كل قلبي التفاعل بالذات من البنات اللي مو حضريااات
انا حروح الرياض شهر 2 وشايلا هم مابعرف احد هناك
واكتر الناس هناك مو زي الغربيهـ طباعهم وعاداتهم ويمكن مابيحبوا يختلطو بينا كتير لاننا حجازيات
يعني حموووووووووووووووووووووووووت ومع نفسي
وكل وحدهـ تقول رآيها وبصراااحهـ
بــــــــــــ بــشــرط ـــــس ::
يكون في النقاش احترام لاراء الغير وبدون الغلط على اي طرف
ويكون نقااش ودي
طبعا اتمني التفاعل والله ماكتبت دا الموضوع الا بجد بعد ما شفت ردود كتيره لناس تحكمهم العنصريهـ
بالذات من بنات نجد
سووووررررررررري بس اتمنى محد يزعل
استنااااكم واستنى تعليقاتكم
،،،،…..،،،،
مع حبيـ
jejeta
