عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اشلونكم يابنات المنتدى
أنا بنت عمري 23 سنة راح ادخل بالموضوع على طول وراح اتكلم بلهجتي العامية اوكي انشاء الله تفهمون علي
المهم يا بنات قبل رمضان تقريبا بثلاث شهور بدأت الدورة اتلخبط عندي تقريبا تجيني أسبوعين الأسبوع الأول تنزل علي بس يكون الدم لونه احمر فاتح وبعض الأيام ما تنزل حيرتني والله والأسبوع الثاني تنزل الدوره اللي اعرفها سبع أيام فهمتوا علي يا حبايبي……….
عاااد في شهر رمضان يوم 16 جاتني بس مقطعة يعني يوم ويوم لأ واضطريت افطر الين آخر الشهر واستمرت معاي في شهر شوال 6 أيام بس وقضيت منها وبعدها بعشر أيام بنفس الشهر يوم 17 /10 جاتني الدورة أول يوم انزلت عاادي وبعدها بدأت تقطع يوم تجي ويوم لأ ورحت عند طبيبة وقالت لي لا تخافين هذا شي عااادي والأيام الي بعد أيام الدوره يعني بعد اليوم التاسع تعتبر استحاضة حشى والله عاد انا ماصارت استحاضة وعطتني حبوب اللي اهي(daflon) وتقول انتي تسبحي وصلي عااادي واستخدمي الحبوب الين يتوقف الدم.. انا عاد شفت الدم ما توقف يوم ينزل ويوم لأ تركتها واللحين 23 يوم واهي ملعوزتني مادري شسوي للحين ماعرفت متى اصلى وأحس صلاتي غير صحيحة والله العظيم حدي خاااايفة واللي يعافيكم ساعدوني لأني ماني عارفة شسوي هل هذا الحالة عادي واصلي بعد 9 أيام من الدورة واذا احد جاتة مثل حالتي يقولي ارجوكم.
وبغيت اسألكم هل صحيح الحالة النفسية لها أثر على الدورة؟
أفيدوني جزاكم الله ألف خير
ومشكووووووورين يعطيكم العافية
وسامحوني عالتعبير اتمنى فهمتوا علي.
وصدقوني راح ادعيلكم من كل قلبي
تقبلوا تحياتي
لياااااااااااااااااااااااااااااااااال الجرح
