ممكن تساااعدوني الله يرضى عليكم

السلام عليكم ورحمة الله وبركاته
خواتي اكتب لكم مشكلتي مع اخوي وان شاء الله احصل عندكم النصيحه
شوفوا خواتي لي اخ عمره 24 سنه يصغرني بكم سنه المشكله
انه بعد سلسله مشاكل مرت فيها عائلتنا وتاثر هو كثير
لاني لا اخفيكن غصب عنه كان طرف فيه هالمسكين المهم
صار عصبي بنات رغم عصبيته الا انه حنون بشكل ما يتصو ر
المشكله انه بعد هالمشاكل وتغيره صار يسمع اغاني وسهر
للفجر مع اصحابه خارج البيت طبعا لا يروح فكركم بعيد
هم يروحون البحر او تخييم في البر او بيني وبينكم تفحيط
بهالسيارات وانا وامي واخواني عجزنا فيه خايفين عليه
بس هو يقول ان شاء الله ما يصير الا الخير يعني
يخدرنا بهالكلمه رغم ان احنا متاكدين من انه مع هالشله
يفحطون ويتفننون يشوفون من يتحدى الثاني المهم ادري طولت عليكم
بس الخلاصه حلمت فيه حلم وكان بسم الله على قلبه حلم
جد هزني من داخل ومعرفتي فيه انه يسمع اغاني ورغم
انه يصلي بس كلمتني امي انه بعض الاحيان يتركها
المهم الحلم خفت كثيير وصحيت من النوم واتصل عليه وانا اصيح
وهو كان بشغله واكلمه واقول له الحين تروح السياره تطلع
كل السديهات مالت الاغاني وتكسرها وانا اترجاه واصيح
وهو مستغرب ويقول ليه اقول كذا ما لي خص الحين الحين
تروح تكسرهم لو انت تحبني يقول طيب يا اختي وش فيك
بسم الله الرحمن الرحيم
المهم ما قدرت اكمل وسكرت وارسلت له رساله عن الحلم اللي شفته بس ما قلت له الحلم بالضبط وشو
المهم خواتي طولت بس الخلاصه اتصل وقال شمعنى اليوم بالذات
قلت خلص يكفي معاصي تشبعنا وانا ما اخليك واختار يا انا اختك
ولا الاغاني وشلتك ورد علي المهم اتصل وهو معصب من طريقة كلامه وما قدرت اكلمه فكتبت له رساله وارسلتها له مره اخرى
يا اختك ودينك وراح اعين واعاون وكل واحد يسمع للثاني ونقوي
بعض او شلتك والاغاني وخلص اعتبر ان اختك الكبيره ماتت
ولا عاد تدخل فيني ولا تكلمني ولا اكلمك وراح ادعي لك وعوضي على الله
بنات انتظرت كثير ولا رد له يومين مخليني وانا حالتي حاله عقلي
يقول لي زين اللي تسوينه وربي يهديه عشان يعرف ان الله حق ودينه اهم
من هالخرابيط وشلته التفحيط مالته وقلبي يقول لي كيف راح تقدرين
تتحملين انك ما تشوفينه وهو بالذات معتبرتيه مثل ولدك رغم ان فرق العمر بيننا سنتين
بس هو بالذات له معزه خاصه والله ما ادري يا بنات وش اقول ادعي له ربي بالهدايه
بس بنفس الوقت افكر معقوله اختار شلته وفضلهم علي وانا ما قسيت عليه الا لاني خلص
ملينا من كثر ما ننصحه بالحسنى ياليت يا بنات لو قريتوا تدعون له بالصلاح والهدايه ولشباب
المسلمين لعل وعسى يصادف ساعة استجابه للدعاء واسموحوا لي طولت عليكم …..:).;) 💡 😡