ممكن تريحوني شوي ؟

السلام عليكم
مساااكم / صبحكم الله بالخير ياحلوات
حبيباتي انا عندي مشكلة قارهتني في نفسي من زماااان ومو عارفه ايش الحل ؟
مشكلتي انه عندي خوف ورهبة من الكلام قدام مجموعة من الناس يعني اتلخبط وارجف واعرق ووجهي يحمر وريقي ينشف واصير اقول كلام ماله داعي وانا مقهورة من نفسي …. والمشكله الحين اني انا طالبة في الجامعة وادرس دبلوم تربوي وعندي هالاسبوع درس شرح قدام زميلاتي وعددهم فوق الاربعين طالبة هذا غير الدكتورة والله العظيم اني شايله هم قد ايش كبره صرت ماعاد احس بطعم الاكل ولا النوم وودي يجي ذاك اليوم اللي اشرح ويعدي وارتاح لاني بس قلقانه واتحلم بهذا الموقف ….. والله يابنات من الحين وانا متوترة ومعصبة حتى بنتي المسكينة اصارخ عليها بسبب وبدون .. وعلى فكرة ترى انا احفظ مزبوط وكل شيء بس من اقوم قدام الناس انسى كل اللي حضرته واصير اقول كلمة واسكت شوي صاير شرحي للدرس كانه كلمات متقاطعه ماانفهم منه شيء … ايوه ونسيت كمان اقولكم انه فيه شلة من البنات مره مزعجات وانا شايله همهم وانا اشرح انهم يزعجوني ويسوون لي حركات توترني زيادة خاصة اني مااحبهم ولا يحبوني وبيسمعوني تعليقاتهم وانا اشرح ……… ابغااااكم تواسوني وتنصحوني وتخففو عني الهم اللي انا فيه يمكن فيه بنات يشوفون هالمشكله تافهه لكن والله العظيم انها متعبتني …
معليش يابنات الكلام مكركب وملخبط بس والله قاعده اكتبوانا متوترة اعذروني ……. 😆