ممكن تدخلوا ” ولدي الخديج ” في العناية المركزه .. واخوة التوأم مات ادعولي

ما بطول عليكم
لكن انا كنت حامل بتوام .. لين الشهر الخامس .. وجتني مويات زايده .. وكنت اشفط مويات كل
3 اسابيع ..
كانوا يدخلون لي ابره من بطني لين رحمي .. ويشفطون 3 ليتر .. والحمد لله على كل حال اللهم لا اعتراض..

لين وصلت السابع .. واحد من التوائم جته مويات في بطنه .. ولا نعرف السبب .. وضغطت على قلبه ..
وفي المراجعه الي بعدها قال الدكتوور عنده تضخم في القلب .. ومالكم الا الدعاء والصدقه ..

المراجعه الي بعدها ب3 ايام .. قال الدكتور مات البيبي الي عنده تضخم في القلب ..
والبيبي الثاني كويس ..

جلست في بطني الميت 6 ايام وقالوا لي طبيعي لانه في كيس لحاله ..
ونفسيتي الله لا يوريكم .. ولدي ميت في بطني وانام واقوم وانا عارفه ان ولدي ميت في بطني ..

رحت المراجعه الي بعدها قال الدكتور بدت المويات على البيبي الثاني في بطنه ..لازم ولاده الحيييييين ..
خلال 12 ساعه ..

ورحت المستشفى وولدوني قيصري وكنت في اخر اسبوع من السابع ..

الحين لي من ولادتي 10 ايام .. المويات راحت من على البيبي كان عنده استسقاء في جسمه كله ..
لان اخوه الي مات اخذ كل دمه .. وفقر دم حاااااااااد الهوموقلوبين عنه 6
ونقلوا له دم وارتفع الهوموقلوبين عنده .. ونزل وزنه من كيلوا ونص الى 800 جرام

امس رحت اشوفه .. يا بنااااااااات دخت .. ما توقعت شكله كذا صغييييييييييير وكله عرووووق ..
ويتنفس بصعوبه ..

يقول الدكتور كله في يد الله .. توكلوا على الله وبس..

بنات الله يخليكم ادعوا لولدي .. والله اني ابكي كل يوم من كل قلبي..
ولدين كانوا في بطني واحلااااااااااااام بنيتها عليهم .. والحمد لله تعذبت من يوم حملي لين ولادتي ..

وواحد ماااات .. والثاني يتعذب قدام عيوني ..
وعمليه قيصري .. وصدري يدر حليب .. وياااااااارب لك الحمد على كل حال ..
ولما قالوا لي امس يبغون حليب عشان البيبي .. نقص الحليب بطريقه غريبه من صدري ..

كتبت لكم قصتي ويا ليت ما تنسوني من دعوه لولدي في ظهر الغيب ان يرزقه ربي الصحه والعافيه وكمال الخلقه والخلق.. ويفرحني بضمته وهو بكامل صحته وعافيته .. ولا يحرق قلبي عليه ..

فوالله اني اتعذب في اليوم 100 مره ..

ونصيحه اخت لاخواتهاااااااا.. لا تعلموا احد اذا حملتوا بتوام او ربي انعم عليكم باي نعمه ..
لان العين حق …