عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يافراشات
كيفك…ان شاء الله تمام
رح ابدا بالموضوع على طول
اخوي خطب قبل شهرين تقريبا وخطيبتو عايشة بنفس مدينتنا بس اهلها عايشين بمدينة تانية
وهي ساكنة هون عشان شغلها
المهم
هالبنت نازلة تيجي علينا كل يومين
يعني ما بصدق انها طلعت من البيت الي بتيجي اليوم الي وراه..وما بتستحي على حالها
ولا بتزوق
…لازم تعرف انو هي لها حدود ومو ليل نهار بالبيل…اشي يقهر
يعني لازم كل يوم جمعة تيجي ولما تمرض احنا نعالجها ونبيتها بالبيت يوم يومين…وكل مييجي عبالها تيجي بتيجي
يعني مو معقوووولة ..قرفت العيشة بالبيت
لا انام بالوقت الي بدي ولا آكل بالوقت الي بدي وحتى بدراستي صرت اقصر
ليش..؟…لانو ببداية اليوم لازم نزبط البيت شي ساعتين
بعديها بتيجي ع البيت…ولازم نسويلها كل شي يا دوب نفشى نص ساعة من شانها
انا تعبانة كتير منها ونفسيتي زفت لانو حياتي بطلت طبيعية ومش عارفة شو بدي اسوي ياريييييت تساعدوني
رح تحكولي طب احكي لاخوكي
مهو انا حاولت احكي معو ولما حكيت اول كلمة لسا زعل مني وعصب علي وشوي كان ضربني لولا الحيا ..اخس ع زلام هالزمن
ولو حكيتو احكي لامك برضو حاولت وما زبط معإنها هي كمان ما بدها تيجي عنا كل يوم
بس اول ما احكي عن اشي الها بتصرخ امي علي وبتحكيلي بديش اسمع صوتك..!..طبعا هاي خلافات بيني وبين امي كمان
وابوي مستحيل يسوي اشي بس حاولت احكيلو
شو عندكو حلول
بليز عم بستناكو……….
