عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
اول شي بتكلم عن نفسي
بنت متزوجه وعندي ولد
عاطلة عن العمل من سنتين
مشكلتي..
انا بنت وحيدة مالي خوات بنات
وماعندي صديقات 😐
درست من الابتدائي الى الجامعة عرفت كثيييييييييير
وصادقت كثير بس مابقالي غير صديقة وسافرت تكمل دراستها الله يوفقها
وقريباتي للاسف مااشوفهم الا بالاعياد وياليت اقدر اسولف معهم
كل وحدة تجلس جنب خواتها وتسولف معهم 😆 🙂
والي مالها خوات تتلزق فيهم غصب ومحد يعطيها وجه
حياتي صارت مملة ايامي تنعاد
مافيه مكان اروح له ياعند اهلي ي اهل زوجي يا تمشية مع زوجي
ماعندي احد اسولف معه واشكيله و اضحك معاه
زوجي وولدي الله يخليهم لي مالين علي حياتي
بس ولو ابي صديقات اروح لهم ويجوني
نسولف ونضحك
المشكلةماعرف ليش كل الي اتعرف عليهم ينهون العلاقة بعد نهاية المصلحة << قصدي بعد مانخلص دراسة
مع اني احاول اتواصل معهم بس لما اشوف مالهم نيه نكمل مع بعض
احفظ كرامتي وانسحب
مادري العيب مني ؟؟ ولا منهم؟؟
اوقات اقول اكيد انا فيني عيب انا ماعرفه يخلي الناس تهرب مني
واوقات اقول ربي كاتب علي اضل وحيدة طوااااال عمري
انا شوي خجولة وهادية تتوقعون عشان كذا يتهربون مني؟؟
بس اعرف اتكلم وافتح مواضيع وافرفش واضحك
واعرف البس واتزين واتعطر
مادري حيروني هالناس؟؟ اشوف ناس كثير عندهم صديقات ويتواصلون مع بعض الييين يصيرون جدات
انا ليش ماعندي؟؟ مو كافي اني انحرمت من نعمة الخوات
كل يوم ادعي ربي يرزقني بوظيفة وصديقات مخلصات ولا مصلحجيات مو مشكلة المهم اشوف ناس واجلس معهم طقيييت من جلسة البيت
اليوم فكرت اشغل نفسي بدورة انجليزي
منها اظيفها لسيرتي
ومنها اتعرف على صديقات
بس ابغى نصيحتكم
كيف انقي صديقات؟؟
كيف اتعرف على وحدة مخلصة من جد؟؟
كيف اضمن انها ماتقاطعني بعد مانخلص
معليش اذا كلامي مخربط
اتمنى اقرا تعليقاتكم ونصايحكم
