عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته ..
كيفكم يا صبايا ..
طبعا ملكه أخوي قريب ومحتارين بالهدايا اللي بنجيبها للعروسه أنا أكبر بنت وخواتي صغار يعني ما في أحد يساعدني فصايره أنا المسؤوله وأبي مساعدتكم …
طبعا أخوي توه بادي حياته وقال ما اقدر أدفع ميزانيه أكثر من 17 ألف للهدايا ..
الدبله كانت الماس وهي هديه من الوالد والوالده وهم اللي دفعوا قيمتها …
شافوا تقسيماتي لل 17 ألف
الشبكه اللي عجبتنا قيمتها 12 ألف طبعا ذهب أبيض
يعني بقى من المبلغ خمسه آلاف
فكرنا نشتري
ساعه ب 2500 ريال بس محتارين وش نآخذ
أقنر وإلا جيفنشي وإلا قوتشي وإلا بلمن وش تنصحوني فيه بس يكون بحدود هالسعر وأنا قلت نآخذ ذهبيه أو فضيه أحلى من البني او البيج او الأبيض عشان تستهلكها
وفكرت بالنسبه للعطور نشتري لها قوتشي الجديد اللي قيمته ثلاثميه ريال
وودي بعد نشتري لها عطر ثاني أنا فكرت بكاتير الجديد وطقم عطر فلانتينو “روك آندروز”
يعني ميزانيه العطور حوالي 1000 ريال
عطوني أقتراحاتكم بالنسبه للعطور بحدود هالميزانيه
وفكرت نشتري لها فستان ناعم مع صندل حلو من ألدو أو ناين وسيت يعني ميزانيه 1000 ريال
بيبقى 500 ريال
قلت نشتري فيها صناديق الجاهزه الحلوه عشان نحط فيها الأغراض هاذي ممكن تكلف حوالي 200 ريال تقريبا مع الشرايط والورد المجفف
تبقى 300 ريال أنا فكرت نشتري فيها لها إكسسوار ماركه اقنر فيها حلقان وسلاسل بهالسعر مع علبته طبعا ..
تحسون هالشي يكفي وإلا فيه شي ناقص ..
الله يسعدكم ردوا الشبكه قريب ومحتاره ودنا نجهز بسرعه
بإنتظاركم يا الغوالي
