ملف وصفات صبايا زد رصيدك.. مميز ..**

بسم الله الرحمن الرحيم ..

السلام عليكم ورحمة الله وبركاته

حبيباتي الغاليات طبعـاً مثل ما تعرفون بفقرة الشيف من برنامج صبايا زد رصيدك كل يوم يتقدم اطباق جديده ..ومتنوعه وحلويات وسلطات..

وكلها من ابداع الصبايا المشتركات بالبرنامج .. ولها موضوع خاص ..

وعشان ما تروح الطبخات ونستفيد منها جميع وما نحوس بين الصفحات واحنا ندور وصفاتهم ..

راح انزل الوصفات كلها هنا بهالملف وتكون واضحه المقادير والطريقه وبالصور كمان ..

جزاكم الله كل خير غوالي .. واسأل الله ان يجعل كل ما قدمتموه بميزان حسناتكن ..
وكل من استفاد او تعلم او طبق وصفاتكن ان يعوود اجره عليكن …. انه ولي ذلك والقادر عليه ..

مشاركة الاخت مفاهيم الخجل ..

الطبق الرئيسي ..

كفته

احمس بصل وجزر وفلفل بارد واضع عليها بهارات وصويا ثم اللحم ثم بقدونس

بعدها اكورها ثم اضعها في بيض ودقيق ثم قليتها في الزيت

ووخذيت قدر وحطيت فيه 2زبادي وملعقتين نشاء وشوي ملح طبخته ألين صار ثقيل ووضعت اللحم فيه ثم

زينته بالصنوبر والبقدونس

وهنا السلطه ..
اما السلطه نقلي خضار بطاطس+باذنجان+كوسه ونصفها

ثم نضع عليها علبه زبادي +فص ثوم+شوي طحينه وشوي ملح وشوي خل

ثم نزينها بالسماق والخبز المقلي

الحلى ..

هذي طريقه الحلى وهو من تأليفي يعني مو منقول
اول شي نحط بسكوت اوريو على الجوانب ثم نطحن بسكوت شاهي مع قشطه وسكر ونوزعها على الصينيه ثم نجط في الخلا 8 حبات جبن كيري +ظرف دريم ويب+فنجال مويه+جلي أحمر+قشطه نخلطها ونحطها على طبقه البسكوت
ثم نحط في قدر نصف كأس ماء+كاكاو بودره +3 ملاعق حليب بودره+ظرفين كريمه+حليب سعوديه نطبخها ألين تغلي ثم نحطها في الخلاط مع 15 حبه بسكوت شاهي مطحون ثم نحطها على الطبقه الثانيه

ثم نخلط 2 ظرف دريم ويب مع قشطه ونحطه عليها

بعدها نزينها بالاوريو …

وهنا الشكل النهائي ..

مشاركة يصير خير ..

الطبق الرئيسي ..
كفتة بالخضار ..
ترا الأكلة بسييييطة و سهلة ..
و تراني لطشتها من برنامج زد رصيدكـ مدري فاكرينها ولالا ..
المقادير ..
لحمة مفرومة – ملح -فلفل – كمون – كزبرة مفرمة – بقدونس مفرومة – بصل مفروم ..
فلفل رومي ملون – بطاطس مقطع ..
طماطم مفرومة – بصلة مقطعة ..
الطريقة ..
نحط الملح و الفلفل و الكمون و الكزبرة و البصل و البقدونس فوق اللحمة و نعجبنها لين ما تتوزع ..
بعدين نكورها ..
بعدين نقليها في الزيت لين تتحمر بس ما تخلوها تصير سودا >> شفتو كيف سهل خخخ..
بعد ما نقليها في الزيت نجيب بصلة مقطعة و الطماطم المفرومة ..
نحمر البصلة و نحط فوقها الطماطم و نسويها كشنة و نحط لها كمون و شوية ملح ..
لما يثقل نحط فوقهم كرات اللحم ..
بعدين نحط الخضار اللي هو الفلفل الرومي الملون و البطاطس المقطع ..
و نخليه لين ما ينضج الخضار ..
و بالهناء و الشفاء ..

الحلا ..
حلا البرتقال >> قلك حركاات خخخ

الطبقة الأولى >> اللي هي التحتية ..
1 بسكوت شاهي مكسر – 1 قشطة – سكر – كاكاو بودرة >> السكر حسب الذوق و الكاكاو حسب اللون ..
نخلط القشطة و السكر و الكاكاو في زبدية و نحط فوقه البسكوت و نخلطهم سوا ..
و نحط الخلطة في الصينية و نكبسها و نساويها ..

نجي للطبقة الثانية >> اللي هي الوسطية خخخ
علبة زبادي – 5 فناجين حليب – فنجان سكر ..
نخلطهم سوا و نحطهم فوق الطبقة الأولى >> أجل !!!
و بعد ما نحطها فوق الطبقة الأولى ندخلها الفرن تتماسك شوية من فوووق ..
نخليها لما تبررررد >> يعني تخف حرارتها << بعدين نجي للطبقة الثالثة

نجي للطبقة الأخيرة >> اللي هي الفوقية ..
كاسة موية فاااايرة >> يا ويلكم لو باردة ولا دافية هع – ظرف كريم كراميل ..
نحط الموية عالنار و نفورها ونكب ظرف الكريم كراميل عليها ونحركه دقيقتين ..
بعدين نحطها عالطبقة الأخيرة بالملعقة >> لازم ملعقة ..
و ندخلها الثلاجة الين ما تتماسك و تكون جاهزة للأكل ..
نجي لطريقة البرتقال ..

نجيب كاكاو بودرة و كاسات بلاستيك خفيفة ..
كاسات البلاستيك نقلبها بطريقة متساوية في الصينية >> لازم تكون خفيفة عشان ما تخرم الصينية ..
المهم بعد ما رصينا الكاسات جيب الكاكاو و ننثره عالصينية ..
موضح في الصورة كيف الطريقة ..

بعد ما نخلص نشيل الكاسات و نجي للمسة الأخيرة هع ..
اللي هي النعناع ..
نجيب نعناع و نحطه فوق الدائرة >> اللي هي البرتقال ..
و يكون بهذا الشكل ..

السلطة ..
خخ فيها كل الخضار اللي في نفسك هع فلفل رومي ملون و ملفوف عادي و أحمر و جزر و خيار و ذرة مسلوقة ..
مع مكرونة مسلوقة ..
مع الخلطة زبادي و طحينة و خل و ملح و نخلطهم سوووا ..

و بالهنااااء و الشفاااء ..

مشاركة الاخت شادن ..

اتمنى محد يرد حتى انتهي من تحميل الصور وتنزيل كل الوصفات …

يعني اذا شفتوا كلمة انتهينا ردوا ^^,,