ملابس !

.. البيانات :
ملتزمة ، متخرجة ، غير متزوجة ، لا اعمل
الحلم / من شهر تقريباً لكن لا اتذكر وقته ،

حلمت انو بروح لعزيمة عند اهلي . وكنت لابسة لبس قد شافوه
وأنا مره متضايقة ابغى اغيّر لبسي ، لكن الوقت ما يسعفني ،
رحت ادور بين ملابسي شئ يصلح بس مالقيت .
بعدين رحت لبنت خالتي اسمها سميه ، وفتحت دولابها ولقيت بلوزة وقلت عادي آخذها
قالت ايه عادي ، اخذتها لكن كانت شوي شتويه ما تصلح وتركتها ،
ولقيت بلوزة ثانية وقلت بآخذ هاذي قالت عادي .
نزلت تحت قلت لها وين البلوزة قالت حطيتها على الكنب ، بحثت عنها لكن شكلها ضاعت ،
رحت لبنت خالتي آسيه ، قلت لها عندك بلوزة وعطتني وحدة الوانها اصفر مع ابيض واسود ،
شفت مقاسها لكن طلع XXL ما تناسبني ..
طبعاً اهلي كانوا مستعجلين بيروحون من العصر لكن يصير شئ وتتأخر الروحة ، لين صرنا بنروح العشاء
وأنا كل شوي ابحث لي عن لبس .
بعدين رحت لدولابي افتشه ، لقيت تنورة جديدة عليها نمرتها “سعرها ” ، و مسفطة بترتيب شاريتها من فترة
واحترت مدري وش اختار لها بلوزة ، واحس الوقت بيروح عليّ
والتنورة شفت مقاسها طلع : 39 استغربت لان مقاسي دائم : 30 وبتكون كبيرة عليّ
لكن المفآجأة لمّا لبستها طلعت موب وسيعة / يعني فيها ضوق شوي ، وقعدت احاول البسها
وانقطع الحلم ،

—