[ مكياج العروس ] أخطـاء + نصائـح

من خلال بحثي البسيط تبين لي ان المكياج إبتدأ في الأجواء المسرحية التمثيليه و الدراميه
بعد الإستغناء عن الأقنعة ، وتطور مفهوم و اهداف المكياج المسرحي لـ هدفين :

1- التشويه
محاولة تغيير هيئة المرء بدرجات متفاوته بمعنى ( التنكر ) 💡
مثل : الممثل الفكاهي ، او تغيير هيئة الممثل إلى مرحة الطفوله او الشيخوخه او اشباب.

2- التجميل
و ذالك بإعطاء الوجه المزيد من المساحيق و الاصباغ الطبيعيه للوصول لوضع يلائم إضاءة المسرح 🙁
فيظهر البشرة الطبيعية الباهته بصوره اكثر حيوية بشئ من المبالغه فى اماكن محدده
مثل وضع لون فاتح على الاماكن الغائرة مثل تحت العيون
و وضع لون احمر داكن على الاماكن العالية مثل الخدود لتسطيحها.

وطبعاً تطور مفهوم المكياج مع السنين وصار يستخدمه الرجل و المرآه خصوصاً
وصرنا نشوفه في الدراما والواقع واحنا صاحين واحنا نايمين والمناسبات وفي كل الأحوال
وأكيد بهدف التجميل وتحسين صورة البشره الباهته

ولكن المبالغه اللي صارة حاصلة حولته إلى تنكر للأسف ! يعني ( تشويـه )
وهذا الشيء نشوفه في المكياج الخليجـي العجيب 😆 hy:

طيب النبذه السابقه كانت إستفتاحيه لـ موضوعنا الأهم
وهو [ مكياج العروس ]

مكياج العروس ، Makeup Bride

تعتقد بعض العرايس خصوصاً في مجتمعنا الخليجي إنها كل ماخلت المكياج فخم و ثقيل كان أفضل ، فـ تشوه نفسها 😎
وتخلي وجهها حفله تنكُريه وهذا للأسف خطأ كبير جداً ، يعني بغت تكحها عمتها
على عكس هذآ يُفترض إن مكياج العروس يكون أكثر بساطه وحيويه ، بألوان زاهيه و بإسلوب بسيط
تبرز معه ملامحها و إنوثتها وبساطتها 👿

فـ نلاحظ إن البعض من العرايس تتعمد إستخدام طبقه كثيفه كريم الأساس تغير ملامحها
والكحل بشكل مبالغ بحده ، والظلال بألوان غامقه ، حتى الألوان الفاتحه
ماسلمت منها تستخدمها بكثافه شديه تعطي اللون غمق عميق ، و تبرز العين بطريقه خاطة
بالخروج عن حدود و مستوى العين الطبيعيه
والنتيجه النهائيه : هيئه مختلفه جداً عن الحقيقه 😆 🙄

ولازم تحطين في بالك إن ( الرجال يكره المكياج كره العمى ) وكل ما كثرتي المكياج واعتقدتي إنه كذا افضل
كل ماكنتي أكثر قبحاً في نظرهـ ، الرجل عادة وخاصة الشرقي يعشق الكحـل مع خدود مورده و شفايف فاتحه

تخيلي معي ..
ليلة زواجك بالغتـي في المكياج وطلعتي جدا مختلفه عن طبيعتك ، وهذا الشيء طبعا ماتنكريه حتى داخل نفسك.
وبكامل مكياجك والإضافات كنتي امام عريسـك ، كلها دقائق دخلتي دورة المياه و تطلعين بـ هيئه مختلفه جداً ..
تخلي شعوره ! وتخيلي موقفـك ! 😆 🙄 😛 😐
ولاحظي إن بعض الرجال مايقدر يصبر يعلق على طول على مكياجك ، والبعض الاخر يحطها في قلبه و يقولها لك بعدين 💡
وأسألو اللي جربت هذا الشي و الموقف المحرج اللي كانت فيه 😉

حطي في بالك إن مكياجك شيء إضافي فقط لـ ( عنايتك الصحيه ببشرتـك )
بمعنى لا تستخدمي المكياج لإخفاء العيوب وإنما لـ إعطاء لمسه سحريه على بشرتك الصحيه.

طيب مثلا : عروسه من العرايس تقول والله لازم يكون شوي ثقيل عشان التصوير ..

بترد عليك خبيرة التجميل جوليت تقول لك :
“Without a doubt, the most common mistake brides make is assuming that their make-up
has to be heavier and thicker than usual because they’re having photos taken,”
says Juliet. “What they actually need to do is apply their make-up in front of a window in good daylight
. If it looks good there, it will look good in the photos.”

بما معنى كلامها ” بدون شك، الخطا الاكثر شيوعاً اللي تحطيح فيه العروس هو انها تشوف من المفروض ان مكياجها
يكون اثقل واكثر سماكه عن المعتاد لانها تحتاج ان تلتقط الصور” عشان تطلع الصور احسن يعني
وتقول : ( اللي تحتاجينه بالفعل لحل هالمشكله ، إنك تزبطين لك مكياجك امام نافذه وفي وضح النهار ، إذا ضبط هالمكياج
في النهار وعجبك ، بيضيط مكياجك وقت التصوير ) بمعنى منتي محتاجه تسمكين و تثقلينه إذا ضبط مكياجك وقت النهار
بيضبط بعد وقت التصوير

but the aim is to look like a more polished version of your
usual self – even if that doesn’t fit in with the stereotype of the bride

بمعنى : ان الهدف من المكياج هو انك تكونين نسخه مصقوله من نفسك حتى لو كان هذا الشيء مايناسب الصوره
النمطيه السائده للعروس . ➡

كريم الأساس Foundation

إحرصي كل الحرص أن يكون مناسب لنوعية ولون بشرتك
ويكون افتتح من درجة لونك بدرجه وحده فقط حتى مابين اختلاف بين وجهك ومناطق جسمك الآخرى
واختاري الباودر اللي يناسبه
إبتعدي عن كريم الاساس اللي يطلع وجهك ابييييضضضضضضض يلمع
وهذا مستحيل وحده ماشافته على عروس للأسف من المشاغل الله يهديمه سيء سيء لافضع درجه 🙂

نجي لأنواع الأساس :

1- الأساس المات اللي بدون لمعه
ينفع لذوات البشره الدهنيه ، ماينفع للي بشرتها جافه 😥

2- الاساس الرطب وهو اللي يكون فيه لمعه
ينفع لذوات البشره الجافه ولا ينفع لدهنيه ابد 😆 🙂

3- الاساس المخملي
يناسب كل انواع البشره

4- الاساس البرونزي
وينفع لذوات البشره السمراء

إن شاء الله كل وحده تختار اللوك اللي يناسبها
وخلي ببالك اخر شيء تفكر فيه في زواجك ” مكياج الموضه “
اختاري فقط اللي يناسبك بغض النظر كيف لازم العروسه تكون
لان هذا مايعتمد على بشرتك وإنما على التقاليد للأسف

نصائح

امثله لـ مكياج عروس ناعم ومتألق

هذي امثله بسيطه ل الوان المكياج والأسلوب اللي يُفضل ان تكول عليه العروس ليلة زفافها

احس بتسطروني
والله جد مانقتنع لين نكثر بس هذا المفروض يكون المكياج

نقطه أخيرهـ أحب انوه عليها

الزمام

من اساليب التجميل القديمه مو شيء جديد
يعطي الوجه لمسه رائعه جدا جدا للانف ومغري 😳
وانا شخصياً من اللي يأيدون الزمام
مع الكحله والروج يعطيك لوك يهووس
بشرط ان تختاري فص صغير صغير ولامع يعني ساااطع جدا بلمعة الذهب او بلمعة الألماس
وإبتعدي عن الفصوص اللي احجامها مبالغ فيها والطافيه او الملونه مثل الازرق والاخضر ماينفع
ونصيحه زمام الذهب اكثر لمعه من الألماس

لاتخافين من الخرم
شويه الم ويزول اهم شيء انك تستخدمين زمام طبي قبل
وتحطين كريم طبي عن الإلتهابات وبعد 3 ايام واربعه ركبي زمام الذهب او الالماس وخلاص
واحرصي تنظفيه بين كل فتره وفتره