مكسور قلبي و عيني مدري وش فيها ..!!

لاعاد تسأل عن مصيري و..{ تشتاق..
فكر بنفسك لايهمك ضيآعي..}
يمكن نعاتب بعضنا يوم الفراق ..!

مراحب فراشات حبيت اليوم اكتب لكم لاني اعتبر انسانه كتومه وما احب احد يدري عن اللي بداخلي
انا طالبه جامعيه اخرسنه لي بالدراسة وبحكم ذلك تقدم لي كثير قبل ذلك بس كانت دراستي اهم شي
اللحين
تقدم لي ولد خالتي يبي يحجز خايف ان احد يتقدم ومثل مايقول اني ما اصير له وانه مايتخيل هالشي واعترف لامي بحبه لي مع اني ما بيني وبينه أي شي وربي يشهد
انا تفاجأت بالموضوع انسان يكن لك محبه وماتدرين عنه يعني كان شخص عاادي
هو شخص امممم اخلاقه ممتازه والكل يثني عليه
المشكله هنا انه اصغر مني بسنه للحين ما خلص دراسه يعني ما كون نفسه –
و انا انسانه ضد زواج الاقارب ما اتخيل يوم اني بكون مع انسان يقرب لي
-خالتي انسانه قياديه ما ابي بيوم من الايام يصير بيننا أي موقف انا محتاره ما ادري
احس اني ببحر والمووج يهيج فيني من كل جهه ما ادري افكاري ملخبطه
انا ما اتحمل بيوم احد يجرحني اني ما خذه شخص اكبر مني خصوصا انه من الأهل فالكل عارف اني اكبر منه
هل في يوم بينولد حبي له ؟
هل الحب يضمن لك انك تكون عايشه ومبسوطه تتحملين أي شي ؟
انا ما اسمع الا ان القرابه مشاكل ؟ هل حياتي بتكون تحت المجهر ؟ هل الكل بيتدخل بحياتك؟
ساعدوووني