عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا يافراشات ..كيفكم ان شاء الله بخيرر..
المهم طحت ع موقع واحد امريكي مسوي له موقع عشان يوضح حياه الفقر بالسعووديه
ومقارنتنا بافقر دول العالم زمبابوي
صح فيه ناس فقراء بس هو احسه صورنا بزياده كان الكل كذا..
كانه يقول شوفو هذولا كل السعووديه منذلين وفقراء..
وياليت الصور من تصويره لاحظو انه مجمعها من المواقع يعني اغلب الصور عليها رابط كذا موقع ولايدري وش الطبخه
هذي اول صور حطها بالموقع..
سيارت الامراء السعوديين في اوروبا
..
انا اقول موشرط الامراء هالصور منتشره زمان وسيارات ناس عاديه وممكن امراء
بس وده يقوول شوفوهم شلون سياراتهم باوروبا وحارمين الناس
الله يهديه ان بعض الظن اثم<<تكفين وش عرفه هالامريكي^_^
التعليقات ع هالصور:
الاول:
واحد سعودي مدري وش جنسيته بس الاسم عربي انا خمنت انه سعودي<<ياكثر قرقك 😡
يقول
Not all are princes. Some of them are from the Saudi elite familes.. busniessmen etc..
معناتها: انه موكلها سيارات امراء فيه عوائل سعوديه ورجال اعمال وغيره..
الثاني:
How can a wealthy oil country let theire own people live in poverty and suffering? Lock to Norway, also a wealthy oil country. But a different kind of life for every one….
In a population about 5 millions there are registeret about 6000 homeless people, and the focus os in on them. It is also strange to see homeless dogs, only cats in Norway. Dogs have a better life than thous poore souls in Saudi
هذا واحد ااجنبي الي فهمته يقول:
كيف لدوله غنيه بالنفط تترك شعبها تعيش بهالفقر والمعاناه..؟وان كل خمس مليون منهم 6000 فقير
<<ماشاء الله عليه من وين جاب هالاحصائيه هع ^_^
يقول حتى الكلاب لها حياه افضل من فقراء السعوديه
poor saudi family_ Rafha2010
عائله سعوديه فقيره في رفحاء لعام 2010
تعليقي : بصراحه ماادري يمكن عائله فقيره ويمكن لا
بس انا اعرف قرايب لي عيالهم والله اغنياء ويبونهم ينتقلوون للرياض وبيوت عز
بس هم خلااص تعودو على بيوتهم القديمه الي من طين وعايشين فيها ويزورونهم عيالهم بين فتره وفتره
احس مافيها شي هذا شي متعارف عليه عندنا اجدادنا اغلبهم بقرى كذا وطين موفقر بس مساله تعود
.والله جدي انا شخصيا كلي انوثه مايحب الرياض اذا جا ينكتم يمووت ع المزارع وعايش هناك موفقر بالعكس ماشاء الله بس خلاااص مساله تعوود
وهذا الامريكي مايعرف عاداتنا وجا وصور اشياء مايدري شسالفتها
ماقول هالصوره موفقراء ماادري بس حبيت اوضح ..
I am mesha3el from saudi ..
I saw the photos .. I see this around me Realy
yah..we have poor..Like my family,end month we not find money
So ..ask goverment ” where is oil go ? ” we want from it
هذا تعليق واحد سعودي
يقول شفت هالصوره وهذا الي اراه حولي مثل عائلتي يخلص المال اخر الشهر
والباقي ترجموه انتو محظوور ❗
…ماكان ودي سب معهم وفيه ردين لغيره سعوديين بعد يايدوونه
ماكان والله ودي يوقفون معه مهما كان لو اني ماالقى الا قطعه خبز والله مااشمت فينا امريكي 😥
بس الله يهديهم..
poor saudi family live uder bridge 2010
عائله سعوديه تعيش تحت الكبري
بنااات هذي حركاتنا يوم كنا صغار كنا نكشت في هالمكان اذا سافرنا ووقفنا بنص الطريق ههههههههههههههههه والله كنا نسويها عادي
وهو شكله الفها من راسه انهم عايشين هنا
ماقلتلكم مايعرف عاداتنا..
african Stadiums compared to saudi Stadiums
هنا يقول شوفو الملاعب الافريقيه مقارنه بالملاعب السعوديه
وهنا يقول شوفو مللاعب السعوديه
يستهبل ولايحاووول الحين هذي ملاعب الحواري خلا ملاعبنا المبنيه وراح ركز على هذي
الحين الي يشوفنا يقول لاعبينا يلعبون هنا 😆 idea:
وهنا يقول شوفو مدينه الرياض
لا
لاحظو الحريم كاشفات يعني والله انا اروح الجامعه ودايم امر بهالحواري كل الي اشوفهم عمالات اجنبيه
بس هذي كانت قبل نتطور ايام اجدادنا هذي بيوتهم والحين صارت للعماله ويمكن بعض العوائل الله يعينهم ويرزقهم
هنا يقول مدرسه محترقه
طيب الحرق بيد الله شودخل الفقر:P
والله قطعو قلبي هالعائله الله يارب يرفع عنهم ويساعدهم برحمته..
الحين بيعقد مقارنه بين مدارسنا ومدارس زمبابوي..
هنا يقول شوفو مدارس السعوديه الدوله الغنيه
وشوفو الحين مدارس زمبابوي الفقيره
انا مااعرض انا ماعندنا كذا مدارس لكن قهرتني مقارنته
حتى هالدوله الفقيره عندها مدارس خربانه مثلنا بس ماعرضها عارض الزينه عندهم
واحنا مدارسنا الزينه ماجابها..
واخيرا:
يابنات ياحبايبي انا ادري ان عندنا فقراء وعندنا مدارس خايسه ومطاعم ومستشفيات خايسه وخدمه خايسه
بس موالكل هذي اشياء قديييمه …
يعني الي ماعمره زار السعوديه ولاشاف فيها شي يحسب اننا عايشين كذا وزمبابوي احسن منناا
.بس شكله امريكي حاقد
يعني لاتجي وحده تقووول من قال مافيه فقراء… ❗ .ا
احبكم…
موقع شفته وحبيت اشارككم فيه..
اختكم..
الي حابه تنقله تذكر المصدر لاني تعبت فيه والله ع انه قليل بس اخذ مني ساعتين وانا احمل واتفرج
مع اني حاسه انه بينحذف موضوعي كالعاده 😐
