مقهوره من تدعي انها صديقتي

جمعه مباركه عليكم

بنات تراه النك تبعي المفروض يكون طيبتي اتعبتني بس

من السرعه والقهر الي فيني

كتبتها كذا وان شاء الله يعدلونها لي الاداره

المهم

والله ضاق صدري ومقهوره من صديقه حسبتها صديقه صارت مو صديقه

بس تاخذ مني ولا تعطي الا تغبي عني وانا مسكينه اعلمها بكل صغيره وكبيره

تصير لي وكانها عايشه عندي صحيح اني غبيه ليه اعلمها بس هذي طريقتي

وطيبتي الزايده الي ماني قادره افتك منها

هذي صديقه تعرفت علي من منتدى وصرنا صديقات من 4 سنوات

وكذا مره اشوفها رغم اني اصغر منها بخمس سنوات الا اعتبرها صديقه

واخت لي لانها تمثل لي الطيبه ولا توقعتها انها تضحك علي وتخبي عني

تصدقون اني كنت اسالها وادعي لها اني ربي يرزقها بالرجال لانها ياما اشتكت لي

انها ماراح تتزوج لان عندها عيب خلقي وكنت اقولها ربي الي خلقك مايضيعك وان الله مع الصابرين

وكنت اهون عليها وادعي وكل شهر اسألها ها انخطبتي بشرينا

وامزح معها اقولها لايكون اخطبتي ولا قلتي لي ولا تملكتي

وماتبغين تعزميني على زواجك

تقولي مستحيل مااعلمك انتي اول وحده تعرفين خبر خطوبتي وانتي اول المعزومين في ملكتي و زواجي

كنت ارسلها رسايل تفائل وقصص الصبر

مالكم بالطويله

فقدتها اسبوع لا كلمتني ولا ارسلت ولا دخلت للماسنجر ولا البي بي ولا شي

استغربت قلت لايكون فيها شي البنت دقيت على جوالها حصلته مغلق

ارسلت رسائل على الايميل ماترد

اخر شي قلت مالي الا ارسلها على جوالها يمكن تفتحه وتطمني عليها

ارسلت لها وبعد ساعتين ردت علي وقالت انا مسافره

وقتها خفت قلت لايكون صار لهم شي وشلون تسافر وقت دراسه

واخوانها وخواتهاا عندهم اختبارات نهائيه

ارسلت لها وقلت كان صبرتو حتى يخلصون اخوانك واخواتك

من الاختبارات وسافرتوو

ردت علي من بكرا وهي تضحك يعني ارسلت ضحكه

قالت انا تزوجت ومسافره مع زوجي

وربي انقهرت قسم بالله مو عشانها تزوجت لا والله

بس ليه تغبي عني كل هالفتره وليه تضحك بالنهايه

ليه هذا كله وانا مضيعه وقتي معها واساندها واهون عليها

وهي دايما تشتكي لي وتقول الدنيا مافيها صداقه حقيقيه

وانتي نزلتي علي من السماء ومن هالكلام حسبي الله ونعم الوكيل

قررت اني اقطع علاقتي معها لانها انسانه ماتستحق تكون صديقه

لكن قبل مااقطعها ابغى ادبها بدون مااعلمها غلطها