عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مساكم وصباحكم خير >> كلن في وقته
كيف حالكم حبيباتي
أمس كنت مروقة واشتهيت مقلوبتي اللذيذة
فقلت خليني اصور خطواتها
وانصحكم تجربونها
المقادير:
دجاجة مقطع اثمان خالية من الجلد
رز يفضل بسمتي لانه لذيذ
باذنجان
بطاطا>> ماكان عندي ومايشترط لكن لو موجود بيطلع الذ
جزر
قرع
فلفل رومي حبة
بصل
واي خضار عندك لكن انا ماافضل الكوسا احسها يطلع طعمها مر بعد القلي
وتفضلوا الخطوات بالصور… واذكروا الله 😉
اول شي نكون مقطعين الدجاجة اثمان وننقعها بشوية ماء وخل وملح
ونخليهاربع ساعة
ننقع الرز بعد تنظيفه
نغسل الدجاجة وننطبخها بماء وملح وحبة ماجي
وملعقة كمون وملعقة بهارات مشكلة
انا طبختها بقدر الضغط مااخذت ربع ساعة الا هي مستويه
نجيب الخضار ونغلسها زين
ونقطعها شرايح عريضة شوي
بعد ماقطعنا الخضار نطبخ الرز
فصين ثوم وبصله صغيرة نحمسهم مع قطعتين زبدة
بعدها نحط الرز على البصل ونحركه شوي
ثم نحط الماء والملح (بدون بهار)
نحط 3 حبات هيل
3حبات قرنفل
ورق غار
عود قرفه
بالوقت اللي الرز فيه يطبخ على نار هادية
نروح نقلي الخضار بالزيت
الحين كذا استوى الرز ويكون مفلفل احسن
بعدين نجيب قدر نظيف
ونحط الباذنجان اول شي
ثم البصل
القرع
الفلفل الرومي
الجزر
ثم نحط الدجاج اللي سلقناه ونصفه بهالشكل
نحط الرز فوق الدجاج وقد مافيك اضغطي الرز
بعدين تجيبين صينية التقديم وتحطينها كنها غطا للقدر وتقلبينها فيه
وتطقينها من الجوانب وتشيلين القدر
وهذا الشكل النهائي طعم وريحة جنااااان
اتمنى تجربونه ولاتنسوني من الدعاء
ان الله ييسر بعثتنا انا وزوجي ويجعلها خير لنا
