عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليـــــــــــكم ورحمـة الله وبركاته..
هلا يالغلا.. يا احلى فراشات
فتحت ابي اكتب موضوع نتبادل الافكار فيه لشهر الخير
ونشوف كل وحده وافكارها ومفرزناتها..
الموووووهم..
انا المفرزنات اللي ابي اجمدهم بالفريزر وما راح تخرب لو تقعد كل الشهر..
1/صلصة البيتزا
طريقتها تحمسي البصل واللي تحب الثوم للتنكيه بزيت ويفضل زيت الزيتون الاصلي مع شوي فلفل اسود.. تسوي بالخلاط كميه كبيره من الطماط المقشر افضل من تخلي قشوره عليه
تخلطيه بالخلاط بدون ماء ولا اي شي..
وتضيفيه للبصل..
وتحطي عليه بهارات وملح ومعجون طماط واذا تحبي شوي كاتشب وتخليه يتسبك على نار هاديه ولما يبرد تحطيه بكميات باكياس لحم وبالفريز..
وعند الاستعمال طلعيه يذوب وحطيه عالعجينه..
2/السمبوسه شغل اليد
تختلف الحشوات اللي تحب دجاج او لحو او خضار مجمده كلها وااااو..
3/سمبوسة الورق بالجبن
حشوتها تكون جبن سايل مع لبنة البقرات الثلاث تخلط مع بعض تطلع جنااان
او جبنة شيدر او لحم او دجاج بس بالجبن احلى شي..
4/ ورق العنب..
حشوته اغسلي الرز المصري حسب الكميه اللي موجوده عندك من الورق يعني مو كثيييير
وخلينه منقوع شوي
قطعي كميه من البصل والطمام والبقدونس كلهم بعلبه وحده وضيفي لهم نعناع ناشف طعمه مع المحاشي ولا بالخيال..
وملح وبهاراتك اللي تستعملينها وفلفل اسود وضيفي لهم الرز الكل بدووووون طبخ واحشي ورق العنب وجمديه بعلب بلاستيكيه
5/التوست المقلي
طريقته
جيبي قطعتين توست حطيهم فوق بعض والمرق او الشوبك او ما ادري ايش تسمونها اللي تجي طويله عشان فرد المعجنات
المهم رصيهم زين ومرري اكثر من مره لين يتلاصقن قطعتين التوست مع بعض بعدين اغمسيهم بالبيض بعدين بقسماط وافرديهم على صينيه بس تخلصين من مجموعه كبيره حطيهم باكياس وبالفريزر
واذا استعملتيهم تقلينهم راح تنتفخ حيل وتصير مثل المخده وبس تبرد شوي بالسكين تقصيها من الزاويه للزاويه وادهنيها من داخل مايونيز او جبن سايل احشيها بحشوة دجاج وزينيها بقطعة خس
6/الحشوات وان شاء الله انها ما تخرب بالتفريز..
حشوة دجاج مع البقدونس والجزر
حشوة دجاج نفس الاولى بس باضافة 2 م مايونيز اذا الكميه كبيره
حشوة دجاج مع خضار مجمد
واستعمالاتها تكون..
اما للتوست المقلي او المعكرونات او صينية التوست بالقشطه
او رشه على الوجه للبيتزا قبل ترشي جبن الموزريلا..
7/الجزر المبشور والبقدونس المفروم
8/اذان الشايب بعد حلو تجميدهم
9/الكبه..10/
وحشواتها دجاج او لحم او خضار
المعجنات بس تكون بكميات بسيطه يعني حق اسبوع مثلا وتجددينها..
مثل البتزا
فطاير اللحم
فطاير الدجاج
فطاير السبانخ
والكروسااان
الاقماع بدون حشوه
ان شاء الله اني اكون افدتكم..
واللي عندها اي سوال انا حاضره
اللهم بلغنا رمضان واعنا على الصيام وضاعف لنا الاجر يارب العالمين
ولاتنسون الفقراء او العماله او اللي عندهم مسجد قريب او مشرع افطار صائم لو مره بالاسبوع تزودي الكميه وترسليها..
ادعولي ..
