عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
اول شي انا ماني جديده دايم معكم بس ماني مسجله اتصفح واقرا بس لكن بعد المشكله هذي قلت مالي غيركم بعد الله استشيركم
أنا ياخواتي العزيزات بدات مشكلتي من بداية الشهر الخامس اول شئ نزلت عليه مويه وقلت مو مشكله شوي بطنش بعد 3 ساعات نزلت شوية مويه وقتها خفت وقلت لزوجي ورحت المستشفى وصلحو منظار واتوقع انهم وسعولي الرحم بزياده بالمنظار وقالو لازم تنويم تنومت وصارو يعطوني كل يوم مضاد لكل 6 ساعات ابره بالوريد صلحولي تخطيط نبض للجنين وتصوير وشافو كمية المويه على الجنين كله سليم والحمدالله فقط الرحم مفتوح 1 سم
اليوم الرابع وانا بالمستشفى جتني استشاريه اول شي كشفت علي وقالت الرحم مقفول شوي قالت انا بصبر عليك لين بكره اذا ناجهضتي من وحدك انا مضطره اعطيك طلق صناعي واجهضك ..
هنا انا انصدمت قلت لها الجنين سليم وحركته طبيعيه والمويه كافيه وكل شي كويس والحمدالله كيف اقتل نفس اذا بينزل ينزل من وحده !!!
قالت لا الرحم مفتوح ( لاحظو اول ماكشفت قالت مقفول واللحين صار مفتوح؟)
وبكذا المويه بتنزل كل يوم شويه وبتقل على الجنين وبكذا تولدين طفل يارئته فيها مشكله او اطرافه تتشوه لانه بتصلب مايقدر يحركها لاصارت المويه قليله
انتي دوبك بنهاية الخامس والجنين دوبه صغير تتخلصين منه اللحين احسن لك مو تتعبين وبالاخير تجيبين طفل تعبان ومريض 😐
اتصلت على زوجي وجا طلعني على طول من المستشفى اخذت كم يوم ورحت لدكتورتي وقالت لاز الترا ساوند بس بكره
المهم جا بكره الصبح وتاخرت انا مارحت الا العصر وهي دوامها ينتهي العصر كلمتها وقالت انتظرك لما رحت لقيتها تنتظرني عند الاستقبال واخذتني على طول لغرفة الاشعه وقالت لزوجي انت حاسب ولما رحت لقيتها جايبه دكتور استشاري ودكتوره غيرها اول مادخلت قالو انتي الي عاوزين يجهضوكي ؟؟ قلت ايوه اثرها معلمتهم بكل شي دكتورتي
اول مانسدحت قالت الدكتوره الثانيه احنا نبغى نعرف المويه ليه تنزل والاهم من دا كله ليه المستشفى الاولاني عازين يجهضونك حسيتهم مهتمين كاني صيده ولا فار تجارب
ويحسون ساعه مره يقولون المشيمه مدري شفيها واغلب هرجهم انجليزي مدري ايش يخربطون
وكل ماسالها تقول دكتورتك حتفهمك انا ماجا فبالي شي سالتها مرتين عن جنس الجنين وتصرف كل مره شكلها ماهي عارفه المره الثانيه اسالها قالت لازم تنزلين اللي فبطنك انا 😛 ؟؟
قلت ليش قالت عنده مشكله بدماغه العظمتين اللي بنهاية الراس طالعه فوق بعض لازم تتخلصين منه باسرع وقت 👿 😎
ياناس حرام انا قبلها بـ 3 اسابيع مسويه الترا ساوند وقبلها وقبلها والسيديهات عندي كل شي سليم
معقول بظرف اسبوعين تشوه جنيني متضايقه بقوه مدري اقول لمين ولا اشكي لمين ابغى شي يريحني لان الشي ذا بيني وبين زوجي محد درى عنه حتى اهلي ابغى اي شي يريحني وسوسو فيه حسبي الله عليهم الافكار تووديني وتجيبني اصدق مين ولا مين كل مستشفى يقولون لي شكل
مع العلم مهما كان فيه الجنين مستحيل اني انزله واقتل نفس اذا ربي اراد ينزل من وحده اما انا لا والف لا لو بلاوي الدنيا فيه بس نفسيتي تعبت
