مــاعــرفـتـيـنـي ؟

أخيراً .. مابغيتي تقلبـي الصفحـة وعلـي تجيـن علـى أعصابـي وربـي ليـن شرفـتـي وجيتيـنـي

قبـل ماتوصليـن لصفحتـي خـفـت إنــك تملـيـن وترميـن المجـلـة مــن يديـنـك وأبتـلـش فيـنـي

عمومـاً ماعرفتينـي ؟ (محمـد) ناظرينـي زيــن تهـجّـي صـورتـي وإتمعـنـي فيـنـي وشوفيـنـي

صحيح إن الحزن سوّا سواته مـن ثـلاث سنيـن وغيّـر فـي ملامـح شـاعـرك يـومـك تركتيـنـي

ولكـن بـي علامـة فـارقـة مــن يومـهـا للحـيـن دخيـلـك ركــزي هــي لــو لقيتيـهـا عرفتيـنـي

دخيلك شوفي عيوني وقولي لـي وش تشوفيـن ؟أنا باعلمـك .. (مشهـد فـراق ومسرحـه عينـي)

تعالي إتفرجّي .. مشهد من إخراجك سنة ألفيـن إليـن ألحيـن يعـرض ويـتـوزع فــي شراييـنـي

بكيتك وقتهـا ليـن أنفجـر تحـت الهـدب عرقيـن توسلـتـك .. طلبـتـك بــس ماكـنّـك سمعتـيـنـي

على إللي صارلي منك يابنت النـاس لـو تدريـن شمت فيني المكـان إللـي علـى صـدره رميتينـي

جلسـت أتأملـك يامقفـيـة فــي عيـنـي تذوبـيـن وجمعـت إللـي بقـى منـي وجـا واحـد يواسينـي

أثاريه الشعـر جانـي بهيئـة شيـخ فـي الستيـن وفـي كالعـادة إليـا ضــاق صــدري مايخليـنـي

تجاهلته وطبطب فـوق كتفـي قـال : قـول آميـن(عسـى الله ينتقـم منهـا) وصــد وراح يبكيـنـي

بعدهـا كــل ماكلمـتـك تقولـيـن لــي : وبعـديـن شهـر .. شهريـن أحـاول فيـك لكـنـك ترديـنـي

عرفتي من أكون ؟ إتكلمي ماسمع وش تقولين ؟بـربـك .. أسـألـك بالله بغـيـابـي ذكرتـيـنـي ؟

قسـم بالله مانسـى ماحصـل منـك لـيـوم الـديـن كفايـة واقلبـي الصفحـة تـرى مـن جـد مافينـي

بقلم الشاعر: محمد عويضه