عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
ما ادري كيف ابدا بس ابدخل في الموضوع علطول
بنتي الوسطى عمرها الان 5 سنوات
..لما كان عمرها 3 سنوات كانت تتكلم طبيعي وتنشد اناشيد ودائما تقول طائر النورس وكانت عسوله 😆 وكل من شاف سال عنها من سواليفها حتى انا انفث في وجهها دائما من كثر ماهي عسوله
مره رحنا لاستراحه اقاربي من جهة ابوي وهنا صارت المصيبه..
كثير منهم ما شفناهم من سنين وكلن يسال من هذي بنته ..وبسم الله عليها مشت وطاحت على درجه مره صغيره ماتسوى ..وصار فمها ينزف بشكل خيالي وطاحت سن من اسنانها الاماميه والسن الثاني قلب لونه بني وانشقت لثتها وطلع وجهها مثل البلونه ..المهم اتصلت ع ابوها وجاء بسرعه ورحنا للمستشفى وقال الدكتور ابركب السن لانو لسه صغيره فممكن بجراحه يرجع يثبت..فكنت راضيه باي شي بس ترجع مثل اول ..فكانت هذيك الليله شي مو طبيعي كنت احس ان اللي انكسر قلبي معها ..ما ادري احس رقيقه البنت ما تتحمل وفعلا توقعي بمحله اقولكم ليش بعدين؟؟
المهم من بكره رجعنا ع الدكتور وقال لازم تطلع تغيير جو لانو خاف نفسيتها تتاثر ..فطلعنا نمشي بحديقه صغيره ع الشارع ع اساس مايكون فيها عالم وزحمه ..وصار اللي لا تحمد عقباه..طلع عليها ولد راكب دراجه والله مدري من وين الا يضربها هي بالذات في وجهها ..وطاحت الاسنان وصار الوجه متفوخ دبل ..المهم رجعنا للدكتور قلنا خلاص مانبي اسنان ولا جراحه وراضيين بحكم الله ..الحمد لله على كل حال ..
المهم عدت الايام وراء الايام والبنت طاب وجهها بس ماعاد تحكي ..ما تنطق تخيلو..تكح تحاول تتكلم بس ما يطلع ولا حرف والله ما ارحم الا عيونها وهي تطالع فيني اذا بغت شي..وديتها لاخصائيه نطق وصارت تتكلم خفيف بس صار عندها تأتأه فضيعه ..
الا الان وانا اعاني معها من دكتور لمواقع في النت بلا فائده ..ارجوكم ادعوا لها واللي عندها خبره في هالشي لا تبخل على ..
الله يبعد عنا وعنكم الشر والاشرار..
